應用密度原理, 用兩根Zoomed 10.0, 使D3效率超越Mega-ray

waiman

應用 "密度" 的原理, 使兩根Zoomed 10.0管, 能造到D3效率超越Mega-ray.

"密度" 有多種不同情況的 "密度":

1) 比如一個10.0 UVB燈, 是指 "照射源" 此燈它的UVB光子的 "密度", 是占總光線的10%.
2) 光子重疊, 疊加的 "密度", 是指照射源的光子, 同向 "受照射體", 某一定點的聚集.
3) 這裡我所要說, 要利用的 "密度", 是指 "受照射體", 被光子佔據分佈面積的程度.

首先, UVB對受照射體而言, 並非是越強越好, 因為D3的效益, 並非和UVB的強度值uw/cm2完全成線性正比的, 即並非uw/cm2值越強, 就造出越多D3.

比較少人去注意的, 是光源其本身的 "密度", 和受體被照射到的 "面積分佈程度那種密度" 的關係.
而 "受照射體的龜" 所造的D3, 並非 "一粒" UVB光子的強度越強, 就線性的造出越多D3, 也非線性的 "兩粒" 光子都重疊而擊中同一點, 就造出更多D3, 而是被擊中的面積程度範圍越多, 就造出越多D3.

就好比如用一個100uw/cm2的UVB燈, 只照一節手指頭的皮膚, 和用一個40uw/cm2的UVB燈, 照滿全身的皮膚去比; 這會很肯定的, 是用40uw/cm造出的D3, 會比用100uw/cm多.

為了更容昜瞭解, 應用被光子佔據的面積範圍程度, 到底是怎麼一回事的呢? 我們需要避免用公式化或專業名詞, 而以更形像化的微觀方式去描述:

首先, 龜龜他並不是一個絕對性平滑的平面物件, 哪怕是一張最高品質的白紙, 它也不是一個絕對性平滑的平面.

我們以一粒UVB光子, 去比例龜或龜的皮膚, 進入如此微觀的層面, 則龜根本就是一個大型的星球.

對一粒UVB光子而言, 龜的皮膚就是山河大地; 有高山, 有峽谷, 有水池, 有河流, 有山洞, 有地洞.

就如同我們的太陽和地球, 太陽只是一個單一角度的光源, 所以絕對不能使陽光佈滿地球, 連只地球正面向著太陽的這一面, 陽光也無法將地表完全佈滿, 而必定有非常大量的地方, 是陽光照射不到的.

如每一粒UVB光子照射到龜, 被光子擊中之處, 都能造出一粒D3, 則當然越多光子登陸, 擊中此龜星球的地表, 就會造出更多的D3了; 而兩粒光子同樣重疊而登陸在龜星球, 就會因兩粒光子只擊中同一處故, 則兩粒光子, 只能造出一粒D3.
光子登陸佔領的 "面積範圍程度" 越高, 就越多D3. 我們要應用的, 就是這種登陸佔領的 "密度".

我們繼續想像一下, 如果我們可以將太陽切開, 分成好多個小太陽, 排成一條直線, 分開左右共兩條直線去照住地球, 去和一個太陽只一個點去照住地球的去比, 兩者哪個能令地球表面, 包括高山, 峽谷, 樹下, 地洞, 山洞, 有更多的地表面積被照射到呢? 答案當然是左右共兩條太陽所照到到的面積, 比一個點的太陽優勝了.

從上面所得出的重點結論就是: 越多獨立的光源來源, 和越多獨立不同的角度來源, 是能令龜接受收得到, 比單一角度單一來源, 更多的光子登陸面積範圍程度的佔領.

兩根管, 是兩個角度, 兩個光源, 兩根管加上兩個好的反射罩, 反射罩裡的每一粒光子的反射點, 都實際上是另一個獨立的光源, 及另一個獨立的角度; 因此形成大量獨立的光源, 大量獨立的角度去照射.

因此, 如果我們運用這種光學物理特性, 是可以將兩根弱的UVB燈管, 去全面打倒一個頂級太陽燈造D3的效率.

===

原理上已經說明了, 現在我們就切入實用上的正題:

合理的UVB量, 最低值是25uw/cm2, 而理想值及照射持續時間, 是50-90uw/cm2照8-12hr.

Mega-Ray 100w, 30cm, 有UVB 215μW/cm2. 但用家們不會用30cm的, 因為UVB太強, 熱力又高.
Zoomed 10.0 UVB T8光管, 30cm, 有UVB 26uw/cm2, 再加上一個好的反射罩, 會有52uw/cm2.

當我們應用此 "密度", 而用兩根Zoomed 10.0 UVB T8光管之時, 由於T8管要造出最佳的光子佔據面積程度, 故兩T8管距離中間的空間, 需要剛好是可容納五根T8管, 一根T8的直徑是一英吋, 兩根T8玻璃管所夾著的空間是五英吋(12.7cm), 然後再加上兩個好的反射罩, 在30cm高, 由於此時兩根的管子有了距離, 光子不能完全重疊, 因此UVB不能增一倍, 而實際只會增加63%, 此時總UVB量有85uw/cm2, 而由於我們運用了 "光子佔據面積範圍" 的 "密度", 故實際於微觀受照的面積, 會至少比Mega-Ray多1.5倍, 亦即是照龜1hr, 等於Mega-Ray要照1.5hr, 所以此時D3的實際效益, 已遠超過龜之所需了, 因此, 我們大可將UVB值再減一半多, 即掛到16-18吋(40.6-45.6cm)去用, 使UVB值下降到45-55uw/cm2, 此時在理論上的效率, 剛好和Mega-Ray相等, 而實際的效率, 卻遠遠超越Mega-Ray, 因為Mega-Ray的UVB光照範圍, 只有33cm圓周, 常照射不到龜, 而這雙管的UVB光照範圍, 是左右全箱佈滿, 前後覆蓋範圍是71cm, 因此是Mega-Ray遠遠所不能比的.

===

Zoomed 10.0 UVB T8光管, 可用下面這種反射罩, 超便宜540mm長$7.50, 長度尺寸可以按照客戶要求切割, 量一下你玻璃管的長度, 叫他切到你需要的長度, 回來夾上去就行了.

就算不用雙管的所有用家們, 我也 "建議" 買這種超便宜的反射罩裝上去, 使你的一根UVB管, 會變成同時用兩根管的UVB輸出強度:





.

zz724shing

多謝waiman兄分享~我地又學到嘢~

jovi

多謝分享,獲益良多呀!!

tintin

>> 由於T8管要造出最佳的光子佔據面積程度, 故兩T8管距離中間的空間, 需要剛好是可容納五根T8管, 一根T8的直徑是一英吋, 兩根T8玻璃管所夾著的空間是五英吋(12.7cm)
上面這個最佳距離空間點計出黎?

我無真係計過數，只係用常理去擺位。
兩支管裝晌左右兩邊箱側壁，面對面射住 (龜在中間行走活動)。應該咁擺先會有最多光源角度、同最少重疊光子吧?!
點解會係平排隔開五根T8管距係最佳?

ps. 再問，龜殼應該吾會造D3，只係皮膚會造D3。RIGHT?
如果係，燈管更加吾應該裝箱頂，而係越低、越側。
龜吾應該係一個星球，而係一個漢堡包，照到中間塊牛肉先有用，照到包其實都係浪費。RIGHT?

waiman

tintin 發表於 2011-10-27 12:19
>> 由於T8管要造出最佳的光子佔據面積程度, 故兩T8管距離中間的空間, 需要剛好是可容納五根T8管, 一根T8的 ...

平排隔開五根T8管距唔係光管既問題, 而係反射罩既反射角度既需要.
幼龜甲下能造D3, 但都主要係皮膚.

你講既唔係微觀. 微觀之下一張普通A4平面白紙, 就係一個巨大星球, 里面有比喜瑪拉雅山更高既山, 有山洞, 有峽谷.

tintin

我明白微觀.....
ANYWAY，我用番你講既微觀。
實情係，太陽光曬到喜瑪拉雅山、更高既山、峽谷... 通通都無用，因為呢D野都係吾識造D3。
只有當太陽曬到入一個山洞先有用，因為佢先識造D3。
而呢D山洞，太陽頂光係照吾到既，一定要係日出或日落既低角度先照到。

waiman

tintin 發表於 2011-10-27 13:30
我明白微觀.....
ANYWAY，我用番你講既微觀。
實情係，太陽光曬到喜瑪拉雅山、更高既山、峽谷... 通通都無 ...

斜射根本冇增加頭手腳既受照面積.
你伸條手臂出黎, 用個燈從上到下移動走一圈照住你手臂, 燈並無任何位罝, 會令你手臂增加照射.

肥仔熙

請問如果買左返黎點安裝呢？支燈要點加依舊野呢？

waiman

肥仔熙 發表於 2011-10-27 14:09
請問如果買左返黎點安裝呢？支燈要點加依舊野呢？

個罩有左右兩個夾, 將光管推入個夾度夾住玻璃管, 搞掂.

tintin

waiman 發表於 2011-10-28 03:07
斜射根本冇增加頭手腳既受照面積.

有時我覺得你，結論得太個人主義..... (你係咪晌公司入面做好高層? 什至係老細?)

以漢堡包例子黎講，單光源斜射的確係同單頂射分別吾大，但雙斜射同雙頂射就好有分別。

waiman

tintin 發表於 2011-10-27 14:53
有時我覺得你，結論得太個人主義..... (你係咪晌公司入面做好高層? 什至係老細?)

以漢堡包例子黎講，單 ...

唔洗急, 慢慢講, 要專注於主題, 少D加個人感情. 我係用儀器去測既.
(我的確係老細, 公司可自動運作, 我超過10年冇返過工, 冇望過公司一眼, 間公司最近半年又大裝修過, 但係係乜樣我都唔知, 我根本冇去睇過).

重點係, 你忽略左雙斜射的UVB疊加, 會大大衰退. 所以並唔係兩燈越遠就越好, 而係要係反光罩折射角度為主及疊加, 這兩種情況下平衡.

隔開五根T8管距离係最佳, 係因為如兩管距离少左, 反光罩折射角度, 會造成被照射的面積效率下降, 而光子疊加效率上升, 如兩管距离多左, 反光罩折射角度, 會造成被照射的面積效率上升, 但光子疊加效率下降.

tintin

>> 忽略左雙斜射的UVB疊加
雙斜射(對射)，理應係會減少疊加機率至係，點解你會覺得反而會增加疊射?
用返你既微觀，龜皮膚就好似一堆石頭堆埋一齊，RIGHT?
而家有兩支散彈槍，你既SUGGESTION係將兩支槍放係箱頂，以時鐘方位就係11點同1點位置。而我既SUGGESTION就係10點同2點位置。你認為邊組槍既彈射上同一點機率會高d?

>> 所以並唔係兩燈越遠就越好
當然吾係越遠就越好。
越遠一來會減弱強度、同時拉狹左整體射角。
我其實係話，裝兩支管晌箱側板會好過兩支裝晒上箱頂。

ps. 果然係老細...... 雖則話無理，但吾會從頭到尾都吾洗打理卦 (除非係老豆剩落...)
我無加個人感情，只係有d野可能旁觀者比較清，所以一估就中

waiman

tintin 發表於 2011-10-27 16:12
>> 忽略左雙斜射的UVB疊加
雙斜射(對射)，理應係會減少疊加機率至係，點解你會覺得反而會增加疊射?
用返你 ...

>雙斜射(對射)，理應係會減少疊加機率至係，點解你會覺得反而會增加疊射?

你睇錯左啦. 我文中咪講雙斜射:
你忽略左雙斜射的UVB疊加, 會大大衰退.
兩管距离多左, 光子疊加效率下降.

>用返你既微觀，龜皮膚就好似一堆石頭堆埋一齊，RIGHT?

Yes.

>而家有兩支散彈槍，你既SUGGESTION係將兩支槍放係箱頂，以時鐘方位
>就係11點同1點位置。而我既SUGGESTION就係10點同2點位置。你認為邊
>組槍既彈射上同一點機率會高d?

都係一樣啦, 同我上文一樣, 你忽略左雙斜射的UVB疊加, 會大大衰退.
重點係, 疊加強度唔夠之時, 龜被照到多又係冇用. 你忽略既地方就係, 一味顧住照到多D, 冇理到疊加既強度呀嗎.

>ps. 果然係老細...... 雖則話無理，但吾會從頭到尾都吾洗打理卦 (除非係老豆剩落...)
>我無加個人感情，只係有d野可能旁觀者比較清，所以一估就中

我是在美國紐約自己開公司, 從台/灣進口及總代理素食產品, 我同時也做攝影器材, 和玉石.

我只在家付責統計貨品進存, 向國外訂貨, 付責開發不同行業的新市場, 和管理兩個公司網站, 所有網站信與網購order, 會先到我這裡, 我再轉發到公司, 每週一次用pcAnywhere遙控, 測一下公司進存與Accounting財政狀況, 30min就收收工了.
所以養養龜, 每天玩玩遙控直升機, 是用來娛樂打發時間的, 除此以外, 我沒其它嗜好, 也不喜歡去外面吃飯, 交際, 或玩, 所以每天白天都在家, 很有空, 不過我並不是中老年的退休老人家.

tintin

>> 首先, UVB對受照射體而言, 並非是越強越好, 因為D3的效益, 並非和UVB的強度值uw/cm2完全成線性正比的, 即並非uw/cm2值越強, 就造出越多D3.

比較少人去注意的, 是光源其本身的 "密度", 和受體被照射到的 "面積分佈程度那種密度" 的關係.
而 "受照射體的龜" 所造的D3, 並非 "一粒" UVB光子的強度越強, 就線性的造出越多D3, 也非線性的 "兩粒" 光子都重疊而擊中同一點, 就造出更多D3, 而是被擊中的面積程度範圍越多, 就造出越多D3.

兩根管, 是兩個角度, 兩個光源, 兩根管加上兩個好的反射罩, 反射罩裡的每一粒光子的反射點, 都實際上是另一個獨立的光源, 及另一個獨立的角度; 因此形成大量獨立的光源, 大量獨立的角度去照射.

因此, 如果我們運用這種光學物理特性, 是可以將兩根弱的UVB燈管, 去全面打倒一個頂級太陽燈造D3的效率.

>> 你忽略既地方就係, 一味顧住照到多D, 冇理到疊加既強度呀嗎




其實....... 到底係 "不同角度--->增加覆蓋平均性密度"、定係 "強度" 先係你本文推薦既呢?
我明白，當然係兩者都對造D3有幫助，但你本文吾係掃盲，要我地重視多d 前者嗎?
而家你又反過黎話我吾顧強度只追求密度.......

waiman

tintin 發表於 2011-10-27 17:23
>> 首先, UVB對受照射體而言, 並非是越強越好, 因為D3的效益, 並非和UVB的強度值uw/cm2完全成線性正比的,  ...

>D3的效益, 並非和UVB的強度值uw/cm2完全成線性正比的.

並非完全成線性正比. 咁, 唔係唔駛強度家嗎.

原文後面咪有講強度值Lo.

tintin

再講，其實我並無忽視強度 (亦即光源離受照體距離)。

一般龜箱既立體比例都係 W : D :H = 2:1:1 (大概)
假設一個W=60 D=30 H=30CM 既龜箱，你將兩支燈都裝晌頂，龜就係離兩支燈都大約30。
我將燈裝晌兩邊側板離地15CM，龜停晌箱正中，就係離左右燈大概33。就算龜向左或右移，左加右減除返2都係33。
只係3CM既衰減，換黎既係角度及受照面積大幅增加。

應反你本文推薦既主題，我有邊度出問題?

waiman

tintin 發表於 2011-10-27 17:48
再講，其實我並無忽視強度 (亦即光源離受照體距離)。

一般龜箱既立體比例都係 W : D :H = 2:1:1 (大概)

嘩, 個箱得30咁低, 咁強度上已經係得既.

不過會出現新問題:
1.離地15CM係唔可以既, 至少要20cm, 保險D就要用21cm, 用20cm就危險.
2.兩邊側板係乜? 係最左右兩邊? 你意思係兩燈距离60cm? 如果係指咁, 咁就唔掂啦.

你有冇想過, 點我講要5支燈距离? 同特登升到16-18吋高去用, 點解我唔就係12吋, 而拉到8-15支燈距离? 因為夠左強都唔係兩燈越開越好, 而係要兩個燈罩所反射出黎D光要有適當路程, 同兩罩D光交叉混雜, 如兩燈离遠左出左燈罩反射交叉範圍, 變成各自獨立照, 咁係唔會照多左既.

tintin

>> 嘩, 個箱得30咁低
舉例姐吾洗樣樣睇得咁死，你鐘意既，改為60X30X40，燈高20....... 一樣咁計。(另問，點解under 20cm會 "危險"?

>> 最左右兩邊? 你意思係兩燈距离60cm?
無錯就係咁。

>> 而係要兩個燈罩所反射出黎D光要有適當路程, 同兩罩D光交叉混雜
你意思係，想將光管既光射去燈罩，再由燈罩反射去另一支燈個燈罩，作為兩次、什至無限次來回反射?

waiman

tintin 發表於 2011-10-27 19:31
>> 嘩, 個箱得30咁低
舉例姐吾洗樣樣睇得咁死，你鐘意既，改為60X30X40，燈高20....... 一樣咁計。(另問， ...

冇圖真係好難講.

例如形像化D講, 假設燈連罩, 係向下射30度, 兩個燈靠近, 即係有兩個交叉既光射住, 正下方同一處, 而且兩個光源的強度是幾乎相等, 或比較接近, 而當龜左右移到三份一處, 也是同樣受到交叉及強度比較接近既光.

如你將兩燈放遠距離左右, 則龜在中間是沒大問題, 但當龜移到左或右三份一處, 即一邊的UVB增加強了, 卻沒增多少D3, 另一邊卻減弱了一半, (UVB對距離很敏感, 多一兩吋也減低很多), 我們再退一步, 又再假設減弱了一半, 也能剛剛夠, 但由於反射的反射光, 經過反射本就是走遠了距離, 又再加上龜移到三份一處的距離, 就已弱到沒用, 等於另一邊沒加反射罩了. 因此咁搞, D3可不升反降.

tintin

我唸我終於明你講緊乜......
你其實吾應該講燈罩、反射... 你講既其實係干涉 (interference)。
http://www.google.com.hk/search? ... 0l0l0l0l75l75l1l1l0

先吾講你既想法對龜(皮膚)造D3係咪真係如你所料咁有效益，但我依家起碼知道你講緊咩。
你應該係定論左D3製造既效益係關係到以下3點:
1. 光子強度 (大功率既燈、或距離貼近燈)
2. 光子密度 (多光源干涉)
3. 皮膚單次接觸光子既總體細胞數 (增加投射角度、控制光子均勻著床避免重疊)

我要先搞清楚，完全無理解錯你以上幾點，先可以再討論。