浮水不沉是否病了？

小粒子

各位C HING, 青B買回來快有兩個月, 一直正常, 依兩日唔見青B痾便便, 前天仲見到佢有痾, 上網爬文知龜會有可能自己食番D便便, 平時餵既份糧不多佢以前會食淨DD, 今早開始起佢好似餓鬼咁起勁食糧, 今晚落多少少糧比佢食, 依舊餓鬼一隻。

我早晚都餵佢, 剛剛餵完佢之後學C HING們等佢食完就換左D新既溫水比佢睇下佢會唔會排便, 從買回來一直水到而家水位我只去到佢龜背邊多少少, 今次就比多咗水就發現佢浮水不沉。
請問各位C HING, 青B咁既情況正唔正常？打完篇文都過咗20-30分鐘都未見有便便...

依兩日水溫都係20度以上左右, 我要唔要加支暖管比佢暖暖佢？
依兩日留意到佢好中意係水度時收起一隻前手企同行, 但見到我行近就好正常用哂四肢逃走...

小粒子

回復 東方不敗 的帖子

今早八點起床就見到有一條便便，而青B趴在水底， 當我行近看時，佢又打回原形浮在水面， 直到我出門口返工為止依舊在水面，胃口很好，今早沒比太多佢食，有帖講過龜只會飽死而很少餓死，而佢食完好似嫌少咁向我爬下爬下，但我行近少少望佢又逃走=×=……  昨晚半夜幫佢加咗支50w暖管，雖然冇水流水溫會不平均，但都想暖住佢等佢便便順暢…… 如果真的肺炎要減低水位有點難，因為支暖管橫放缸底也很高， 肺炎要加溫吧？ 我又工作時間很長不在家的時間我不放心全日開著暖燈或太陽燈比佢，怕出意外……（手機版很難打字）

小粒子

回復 東方不敗 的帖子

原來暖管w數係睇水位架？仲以為缸越大要越高w數添，又上一課， 不過正在考慮好唔好改用電暖墊等水溫受熱平均d。 我唔再放咁多水入去，因為個缸放係我房間內，同廁所有段距離，捧去換水很費力，個缸空缸時都唔輕，真係唔洗玩啞鈴都可以手瓜起輾

小粒子

回復 東方不敗 的帖子

冇實際度過， 長約33cm 闊約25~30cm。我每日時間很緊湊，所以選擇一口氣捧成個缸去洗， 唔洗會唔安樂，再加上青b開始換皮，每晚回到家見到個水缸底都好壯觀，好多一小塊皮屑飄飄下…  我在家久不久會檢查溫度計留意住暖管溫度，怕過熱煲龜湯

小粒子

回復 東方不敗 的帖子

我缸係長形-3-， 回家度完話你知，不過要凌晨先回到家~

小粒子

回復 東方不敗 的帖子

原來有溫控既燈架？係點既樣架？
我一直冇咁留意設備上既事，隻大巴西天生天養，冇任何設備下由苗長大，淨係每日餵食同換水，最近先添加咗座有窿既爬石比佢玩，隻青b原定買來陪佢等佢有個伴，果時仲有一隻同青b一齊買回來，不過成咗佛，但隻大巴西唔爭氣，咬人地個屁股甲邊，當場嚇死我，搞到而家仲係一支公，日日係到對我手震震，所以唯有放隻假龜係缸出面，等佢冇咁悶，佢又久唔久望隻假龜望好耐

小粒子

回復 東方不敗 的帖子

C HING~ 個缸40CM x 26CM

剛剛回到家見到青B瞓咗喺浮台上, 見到我回來就打咗個C EGG入咗水, 之後四處供供下就食自己D脫出來既碎皮 , 即刻拿拿聲放飯, 好快脆一粒冇剩

而家三缸三龜, 未有打算再買龜, 等我日子有功養得好先再買其他龜養, 目前服侍佢地三隻已經夠皮了

小粒子

回復 東方不敗 的帖子

兩隻巴西, 一隻草B

其實我養龜都會養一對, 但唔知點解養親都會死一隻... 生存下來就會超健康 我成日對我媽講 家中比人咀咒, 冇一樣野係一雙一對 之後我媽答我 買多兩隻草B回來三隻一個缸咁米唔會死剩隻囉
隻青B剛剛先曬完太陽燈, 一開即衝上去, 草B一曬UVB燈就會捐入山洞, 熄咗先出返來 所以逐粒糧餵佢食順便留住佢曬曬, 大巴從來冇曬太陽, 前排試比佢曬燈, 嚇到佢相反方向逃走...

小粒子

回復 東方不敗 的帖子

係, 佢地好奇突, 青B同草B唔會食豐年蝦(急凍), 只有大巴先會食, 一啖吞哂入口... 我唔買活生生既蝦比佢地追住食, 唔中意殺生...

小粒子

回復 金金 的帖子

明天我DAY OFF, 我試下再放多D水比佢游下睇下有冇側身, 只知今日早上見到佢沉係水底zzz

小粒子

回復 東方不敗 的帖子

我係某d帖見到有人餵好細細隻既生蝦仔比龜食先知有依樣野, 一直都比人灌輸龜係食紅虫同粒糧, 紅虫有菌, 我死都唔會比佢地食

小粒子

回復 東方不敗 的帖子

我之前有買z牌蝦干, 冇隻龜肯食... 草b未試食, 而家成樽放咗係度等舖塵

小粒子

回復 東方不敗 的帖子

龜龜好既話少少錢唔緊要, 剛剛差d發生意外, 換完青b水打算再開燈比佢暖一暖先, 點知調整燈既角度時,個cam cam唔實個燈罩腳, 成個燈罩連燈泡跌咗落水, 好彩冇開電掣, 唔係就...

小粒子

回復 東方不敗 的帖子

原來要水瞓先好架？ 青b買回來一直上浮台瞓, 得放飯先肯下水, 係依幾日開始係水瞓, 好少見佢上浮台, 而家未開燈比佢就攬住個暖管

小粒子

回復 東方不敗 的帖子

今晚好多意外, 真係心血少都死... 換換下水, 行開咗2-3分鐘, 草b唔見咗, 嚇到我反轉個廁所來搵, 最終係企缸搵到佢, 之後跌咗落去水窿, 好在今晚有放隔器, 唔係就88... 平時換水怕佢冷親會搵毛巾包包佢, 佢會好乖唔郁, 今晚竟然咁活躍... 仲要由洗衣機面跌落企缸.....

小粒子

回復 東方不敗 的帖子

經過教訓會改為用野裝住佢... 頭先差d要拆咗部洗衣機出來睇下有冇攝拿位
我有用隔夜水, 同埋我會落d暖水, 水溫28度左右先放入去, 窗都唔敢打太大, 又用野蓋面擋擋風, 青b個缸外用報紙圍邊希望可以隔一層冇咁凍(唔知有冇用)

小粒子

回復 東方不敗 的帖子

咁又係, chok兩 chok部機變肉醬仲大獲...

小粒子

回復 東方不敗 的帖子

冇放養經驗, 家中間唔中有虫, 吳公仔都有見過, 又多窿拿, 好危險...






剛剛青b曬燈影, 隻草b就回家餵食時影

小粒子

回復 東方不敗 的帖子

係, 但唔會執好耐, 草b太細, 水位又高, 佢之前好中意捐入山洞避世, 但裡面冇野比佢long腳呼吸, 所以放一大堆石春long高佢等佢係入面唔會冇位抖氣, 見論壇有C HING買白架砌台, 我都買咗材料等有心機同時間先砌, 而家草B中意攬住暖管唔入山洞

小粒子

回復 東方不敗 的帖子

經過一輪觀察, 青B暫時冇咩異樣, 亦冇開口抖大氣, 有便便又大食, 又四圍游搵野食冇側游。

草B識避, 有時見佢爬止暖管身當浮台, 有時係暖管頭尾水底瞓...