本帖最後由 yuki小龜 於 2014-2-2 18:08 編輯
又係我, 小龜啦!! 今日係mama baba帶左我返屋企 一年喇!!
上兩個我既生活照既post:
http://www.hkturtle.org/forum.php?mod=viewthread&tid=78573
http://www.hkturtle.org/forum.php?mod=viewthread&tid=84086
我又大左好多, 宜家差唔多有baba隻手掌咁大喇(唔計手指)
底甲有成7.1cm長, 重133g, 我有冇超重? >_<
(我一年前返屋企時得4.5cm & 差唔多唔夠50g架咋)
但唔知點解比起上個月 138 g 我輕左少少,
係個磅壞左? 定係正常呢? (但我冇刻意減肥架咼XD)
宜家逢星期一三五日食野, (以前MAMA見到我好餓好想食野個可憐樣就會俾野我食, 星期1-5同日都有野食, 得星期六冇野食)
宜家食大紅花葉加m糧水果糧
之前差唔多一個月前 好似餵口差左, 食少左野
唔知係咪凍冇胃口, 每日都食唔晒啲野,
食幾啖就走開, BABA見我浪費食物就會擺返我上隻碟, 但我都走開唔食xd
BABA曾經有驚過我係咪唔舒服所以唔食野架, 又冇以前咁活潑好動咼, 成日就咁坐喺一邊唔郁, 好彩過左一排我就生猛返,
可能真係因為凍啦xd
我宜家成日同小貓玩,之前去MAMA屋企同佢隻貓貓玩
宜家就同BABA隻貓貓frd左, 成日玩, 佢好熱情架=P
以前好驚佢架, 宜家唔驚LU
希望快啲回暖啦,我想BABA帶我落街曬太陽行街街呀!!><
今日終於暖返少少, 又有太陽, BABA帶左我落去散步一陣^_^
我最中意就係不停咬地下牆邊既粒粒石仔
我成日咬空氣, 仲成日中意咬BABA既手指, 睇下我幾猴擒
啱啱訓醒, 打個呵欠先
照鏡先, 我好貪靚架=P 睇下我幾靚靚^^
柯屎先
呀澤話豹龜唔中意沖涼, 但我覺得好舒服咼, 又可以柯好多屎屎,柯完舒服晒, 沖完涼仲胃口好啲又即刻有野食
我柯好多架!!沖完涼特別好柯, 一日柯得多過成星期... 之前我試過一星期冇柯屎, BABA驚我唔健康, 好彩問過呀澤話豹B一星期唔柯都正常既~
為食既我, 一見到有野食就梗係擘到個口大一大啦!
有野食嗰日我就會好早訓覺, 但冇野食嗰日就好晏都唔訓架我, 係咁撞個窗要baba俾野食=P
爸爸聽呀澤講就快換糧, 係咪又有新既好野俾我食xd
個山窿就快唔夠我住喇, 我大個得咁快~
前兩個月左右BABA先換好過晒啲setting, 換左地氈唔再用陶粒紅土,, 燈較返高啲, 之前好熱, 又買左個新既噴霸機幫我加濕
之後爸爸話會轉人造草皮咼, 好似好舒服架咼^^
btw, 我成日捲落地氈底 唔知係咪因為曬得淛呢
以前我好中意爬樹樹架, 不過BABA收埋左棵樹, 可能驚我爬左上去會跌落黎跌親啦
之前偷聽過MAMA BABA講過話想養多個細佬妹同我玩,, HEHE 係就好喇, 應該冇咁悶=P
但BABA驚我交配, 呀澤話好似2歲先開始會, 仲要好似5歲先正式會有繁殖, 係咪真架??
好多謝呢度既哥哥姐姐教左BABA咁多關於照顧我既野, 佢有乜唔識都喺度努力睇努力學~ 我見到佢咁生性我都好開心XDDD
以前淨係MAMA理晒我架咋, 宜家MAMA忙, BABA都識自己一個陪我玩, 養好我=]
不過好彩, 呀澤話原來豹B唔好攞上手玩, 因為有機會嚇驚而有機會腸胃炎, BABA之前唔知, 好彩我健康強壯大膽咋!!!=P
我宜家咁大個咁大隻仲叫做小龜. HEHE 係咪好得意呢......................................
哥哥姐姐, 覺得我可愛得意既話, 加多啲分俾MAMA啦=] ^^
|
發表於 2014-2-2 18:08:23
收藏
分享
提升卡
置頂卡
變色卡
