本帖最後由 wel524 於 2012-5-24 19:17 編輯
回復 vickyjerry 的帖子
聽到你養龜既經歷, 我真係有點冒汗
以下網頁專門介紹尼種(巴西紅耳龜(NOT鳥龜)既基本養飼方法, 可以參考下
http://www.hkherp.org/document/caresheet/Trachemys_scripta.pdf
睇左好多CHING/C姐俾你既建議, 以下就講下我既少少經驗同分享養法:
1:龜BB一日應該餵食幾多次??時間??分量??
我以前1日餵1-3次, 視乎我既得閒程度, 大約1日餵1X粒左右, 餵既時間同次數我覺得唔大影响, 反而最大影响係水質問題, 食糧后, 剩低果D渣同隻龜痾便便尿果D先大問題, 會污染水質, 我既經驗係每次佢食完野, 佢就會隔一陣痾, 污糟就換水(隔夜水), 所以普遍每日換水1-3次, 有CHING話換得水多唔好, 以上只係我既少少經驗, 都係果句自行衡量, 換水時當然儘量唔好嚇隻龜, 講一聲先拎起佢
2:如果凈系其中一隻有食...另一隻冇..點算??
正如各位CHING所說, 留意有無搶食, 最好分開餵, 我以前養果兩隻巴西果時就無咩搶食, 所以放埋一齊都OK
龜唔食野好多原因, 要了解下係咩原因先,
一般買番黎既龜有機會未適應唔食野, 驚人, 你愈嚇佢, 佢就愈唔食(eg好似影片咁拎起個箱打斜又放番正,搖下搖下咁最好唔好咁做, 好易嚇親佢地), 如果係尼個原因, 最好由糧 入手:
糧既吸引程度: 我見你果粒糧極似$5/盒,綠色盒果款, 唔知係咪呢? 如果係, 有隻龜唔食係好正常, 根據我既經驗 龜係識揀食挑食既動物, 唔好聞唔好食就會唔食, 聽過有d龜係好有骨氣, 寧願餓死都唔食唔好食既糧(垃圾糧), 如果係, 極之建議你聽下上面果位c姐介紹買番命脈糧試下, 我以前就餵zoomed細樽裝
另外, 有機會係病, 最簡單睇下佢有無外觀上既問題eg你所說既眼腫, 如果係病既話, 最好拍張近鏡描述下, 再問下各位ching, 不建議隨便藥石亂投
我曾用過龜康寶, 我覺得尼種藥藥力較低, 未必可以治好較嚴重既病, 置於你所講既A+ plus我就未用過, 不過我覺得藥尼樣野最好唔好混合用, 因為未知咩病, 又左溝右溝, 到時真係好番, 又點知邊隻藥有效, 下次再出現同樣問題, 到時你會怎樣做? 又溝藥嗎?? 假若是自己病, 你會這樣做嗎?? 所謂’己所不欲,勿施於人(龜)’, 大家同樣係生命, 何必呢?
3:應該幾耐換一次水??全部換曬??
參考1.
4:上網睇過有病可以浸稀釋鹽水...有冇效?
個人覺得唔用好過, 其實基本一般隔夜水就可以, 沒必要
5:依家開始會滴少少龜康寶...其中一隻對眼買翻嚟已經比另一隻腫...但都撐得開同幾精靈...但其實佢對眼有冇病??
首先產生第5條問題, 我覺得完全係樓主抉擇失誤, 根據樓主死過咁多次龜既經驗, 應該知道自己能力不足, 未必可以醫好有病既龜, 為何選龜時偏偏要選一隻睇落去對眼腫唔正常既龜??(尼個原因唔考究,只係想樓主好好自己思考)
加上未知係咪病, 就先用藥, 好在個人認為龜康寶藥力較低,暫時影響不大
其實我覺得由買番黎果刻開始, 自己就係龜既主人, 如果自己買一隻病龜返黎, 就要預左自己醫, (如果隻龜對眼有病既話)當你選擇眼腫果隻龜開始, 就代表已經要負起醫好佢既責任, 可以感受到你好想醫好佢, 亦好用心做龜龜影片, 不過希望樓主每次做抉擇時好好考慮清楚結果, 不要隨便下主意
置於根據樓主所描述, 我自問係新手, 未能肯定是否病, 如果係我自己, 會用zoomed眼藥水試下滴幾日觀察是否有改變, 因為未知是否病, 而此藥水係龜眼專用藥又可作一般保健用途, 所以較為保險, 龜無異常情況, 我會諗可能係龜本身生對眼生得比較突, 照理如果真係病, 滴藥幾天后眼腫會改善,到時有改變就會知係病, 以上只係個人看法, 都係果句自行考量
p.s: 真心希望你既龜龜可以健康成長 & 繼續分享龜龜成長相片影片
|
[複製鏈接]
發表於 2012-5-24 05:37:09
收藏
分享
提升卡
置頂卡
變色卡
早晨
樓主
乾養方面你會每日俾D時間佢浸下水(EG.1個鍾)..當然水位要唔高, 目的俾佢飲水/ 便便/ 餵食
