疑似鬼故分享

梓雨

啱啱見到有C兄發鬼故，自己今晚又未想瞓，等我都發下帖先，呢我係我聽細佬講既疑似鬼故，因為佢咩都見唔到，係咪鬼故就覺位自行決定。

我細佬係當差既，呢件事大約發生喺一件前，佢當時都係出左學堂冇耐做緊軍裝，嗰日佢同個C兄喺中午收到CALL，有一個公共屋村單位有陌生人入屋，佢哋去到一般到係問下看更咩情況，個看更就話自己冇上去，不過知個單位係位獨居長者住既。

佢同個C兄上到去，見到大門開住，但就有個亞伯座喺屋入面，Ｃ兄就喺門口嗌入去問：亞伯，係咪你報驚，有陌生人入左屋呀？

亞伯：係呀！我開定門架啦，度鐵閘冇鎖架，快啲入黎幫我趕佢走啦。

一間公屋講真有幾大間，入到去徐左亞伯，跟本都冇其他人，但收得ＣＡＬＬ都要做嘢，個Ｃ兄就叫我細佬去檢查吓啲廚房呀厠呀周圍望下有冇位匿到人，自己就去同個亞伯傾計，問清楚咩事，其間亞伯一直好猛咁，係咁叫佢哋快啲趕個人走。

行左兩個圈，確定冇人都唔洗幾多秒，我細佬就去同個Ｃ兄講冇嘢啦。點知亞伯一聽就話：唔係呀～亞SIR，佢就企喺個衣櫃到，快啲趕佢走啦。

當時個衣櫃就喺佢哋兩個後面，而我細佬先前都開過黎望，裡面冇人既。嗰時佢哋都心諗唔係呀化～。明顯人同鬼，佢哋都見唔到，個亞伯見佢哋咁，就又對住個衣櫃鬧：你好快啲走，你快啲離開我屋企。

Ｃ兄見咁情況就開始同亞伯再傾計，問佢對方衣著點架，個樣點架。亞伯形容出黎就普通人一個，自已唔識佢既，仲問返Ｃ兄，咁大個人喺度，你叫佢走啦，問我做咩。我細佬講返就話嗰刻都未知驚仲覺得好好笑。因為亞伯當時係孭緊氧氣機既，佢哋都循例問下亞伯有冇咩唔舒服，洗唔洗同佢去醫院，亞伯又話唔洗，徐左間屋亞伯見到多個人之外，其他所有對答亞伯都好正常，呢個位都真係冇得攪，Ｃ兄就出左唯一既撒手橺，對住空氣當有＂人＂咁，趕左個＂人＂出屋，回頭叫亞作放心，幫你趕走左架啦。各位呢個位我聽我細佬講嗰時我自己都忍唔住笑，話佢係笑話多個鬼故，但更好笑都仲有，就係亞伯同返Ｃ兄講：唔係喎，佢仲喺度喎。

最後經過一輪安撫，需然亞伯堅持有＂人＂喺屋企，但兩位盡職既警員都只能堅持趕左佢走，仲話會幫亞伯守住個門口唔俾人再入黎就冇耐收隊。雖然離開左，但出返去嗰時我細佬都覺得有啲無奈，個Ｃ兄就話希望個伯伯平安冇事唔好再收佢ＣＡＬＬ啦。

到左第二日，我細佬就改左行第二條線，跟另一個Ｃ兄，又見到ＣＡＬＬ係嗰個單位，佢就即刻打電話搵返噚日個Ｃ兄，嗰個Ｃ兄就話上緊去，一陣再講。到食晏我細佬見到佢問返，個Ｃ兄就話個伯伯走左，應該係半夜既事。聽完我細佬真係勁唔開心，因為噚日以經覺得伯伯見到嘢唔係好事，但伯伯其實算有精神，真係生命無常。

不過最奇係到左黃昏，竟然又收到ＣＡＬＬ係呢個單位，今次係隔離屋投訴間屋有嘈音，上到去當然咩都冇啦，因為係公共單位，日間上去既Ｃ兄，其實以經關左間屋既大制，同埋詳細檢查過，用鎖鏈鎖好等房署收返個單位。啲聲點黎真係冇人知。

EV-DAY

好彩5係同 濕屁 一類 既鬼故

乂阿偉乂

哇= _=個伯伯死左..." 好堅wo...  有套電影都係講類似既野, 叫做第一誡. 有我鐘意既浩南哥做, 個人覺得好好睇@,@"~ 師兄細佬睇完應該有共鳴

梓雨

回復 乂阿偉乂 的帖子

C姐/妹呀>.<
哈~我細佬好搞笑,當差死人見慣,唔信鬼信之說,但唔敢睇鬼片(佢話係唔鐘意喎),但俾我迫佢都會無奈睇.

乂阿偉乂

梓雨 發表於 2012-4-23 01:16
回復 乂阿偉乂 的帖子

C姐/妹呀>.<

=w="...警察叔叔...真失策~

乂阿偉乂

EV-DAY 發表於 2012-4-23 01:07
好彩5係同 濕屁 一類 既鬼故

=-="...唉...是但啦

EV-DAY

乂阿偉乂 發表於 2012-4-23 01:18
=-="...唉...是但啦

老實講  係咪真有放  濕屁

乂阿偉乂

EV-DAY 發表於 2012-4-23 01:20
老實講  係咪真有放  濕屁

以經唔重要

乂阿偉乂

呢期好興講鬼故@_@"...

~臭豆腐~

呢個鬼故 堅好多
看完心寒