淺談過濾系統！

cys487980

Hi！各位龜友，好耐無出 POST 了，還記起我嗎？今天和大家談談過濾系統對於養水龜的重要性！


爬過好多文章，大部份的龜友都說天天換水是最好的，所以不需用過濾！
無可否認如能天天換水是最好的，但想想如果缸大、龜龜數量多，
如果要天天換水的話，久而久之便覺得太這麻煩了！
如果龜龜多過三隻，無用過濾，半天左右龜缸便會混濁得很利害了！


就以我自己為例，24吋缸，養了七隻亞成愛龜，糞便真係超勁！
所以如果大家有留意本人之前的 POST ，都知我對過濾系統有一份執著，
不單要做到水清如鏡，同時亦要做到水質穩定，確保愛龜能健健康康地成長！


經過年多的時間，差不多所有有關過濾的硬件和軟件都試過了，
得出以下結論：(且祇是個人見解，不代表全部正確，僅供參考而以)

第一位  ： 缸頂滴漏過濾 (是最方便，效能最好！美中不足是外觀不太好看！)


第二位  ： 外置濾桶過濾 (清洗比較麻煩，容易積藏細菌，同時亦有漏水的危機！)


其餘的潛濾、掛濾………………等等！不談了，因為可有可無，作用不大！


到軟件了！


第一層  ： 白綿 (個人認為作為第一層的過濾，白綿地位無人能代替！)

第二層  ： 生物環 (制造消化細菌，對水質和龜龜的健康起了好大的作用！)


第三層  ：活性炭 (過濾雜質、分解尿、糞和異味等，工不可沒！謹記要定時更換，否則不用也罷！)


另外可以的話加多一個造浪器，制造水流，流向對正入水位，除可令過濾效果更佳，同時愛龜能多做運動！


是否太多文字呢？太悶嗎？係時候去圖了！手機影的，質數麻麻！實景是更清、更漂亮的！
















最後講講現時我的最終過濾系統：


1  ： BL-005 1500L 潛水泵 (直上 DIY 滴漏箱，主職清理龜龜門的糞便！)
2  ： HW-603B 外置濾桶 X 2 (祇用一個外置頭，串連兩個一齊用，前置放了白棉和生化綿，後置打爆MA         環！主職制造消化細菌，基本上不用清理！)
3  ：小型潛濾 (打爆活性炭，主職分解尿、糞和異味等等！約一個月換一次！)
4  ：造浪器 (主職制造強大水流，加強過濾效果，同時能令龜龜做多點運動！)

以上大部份設備都是 DIY 度身做的！全部都是 CHEAP CHEAP 野！又一次見証平野未必是唔好的！
歡迎大家俾 D 意見！多多批評和討論！謝謝！


終於打完了，多謝各位用了咁多時間觀看！


喜歡的請加多 D 分哦！加分是我的原動力！

Nicole1010

功德無量

keipip

非常清!!!!!!!!!!
我都用緊24缸養兩隻6”大草龜，一個桶濾，白棉兩層，黑棉兩層，炭一包，生物環，但啲水非常黃……準備加個前置桶
唔知有冇改善……

cys487980

邊個型號濾桶？流量有幾大？

LCT

d水真係好清,

cys487980

LCT 發表於 2014-11-8 17:57
d水真係好清,

謝謝師兄！

keipip

cys487980 發表於 2014-11-8 17:39
邊個型號濾桶？流量有幾大？

用緊ATMAN.DF700
水流量：整機420/H，泵頭820L/H

mr.cheng

請問樓主，咁樣setup, 幾耐換一次水? 每次換幾多?

cys487980

keipip 發表於 2014-11-8 19:28
用緊ATMAN.DF700
水流量：整機420/H，泵頭820L/H

創星國內大品牌，DF700 細左小小，如果用上DF1300 效果會好很多！
現建議加個前置放白綿和生化綿，DF700 三格打爆 ma 環，最小一個月大清一次前置！

要解決水黃問題，一定要做好分解尿、糞的程序！
建議加個細潛濾，抽超原裝棉，打爆活性炭，最小一個月換一次炭！
緊記活性炭買回來不要用水洗，直接放落缸，一開動潛濾會全缸變黑，
不用怕，待半小時後便回復正常！

希望幫到你啦！

cys487980

mr.cheng 發表於 2014-11-8 21:01
請問樓主，咁樣setup, 幾耐換一次水? 每次換幾多?

基本上我祇加水，一個月左右會換一半水和換炭！
平時三日左右洗缸頂白棉便可，很方便，用水喉一沖，都唔使兩分鐘！
水的清晰度能長期保持如上圖！

keipip

cys487980 發表於 2014-11-8 21:24
創星國內大品牌，DF700 細左小小，如果用上DF1300 效果會好很多！
現建議加個前置放白綿和生化綿，DF700  ...

Thanks!!!!
試試先
但龜大 如果掛濾得唔得?

iris007

回復 cys487980 的帖子

想請教活性炭点解唔要洗，之前店員話包野好污穢，要用水冲幾冲佢，其實活性炭是否會令水变黑，如果只用一個濾桶放活性炭次序是怎樣。


見活性炭整到個桶內黑哂。

cys487980

iris007 發表於 2014-11-8 22:32
回復 cys487980 的帖子

想請教活性炭点解唔要洗，之前店員話包野好污穢，要用水冲幾冲佢，其實活性炭是否 ...

自來水含有很多化學元素，包括鐵、氯……等等！(唔知點講好)
炭本身作用就是用來分解這些元素，同時將其依付在炭中！(不是專業，可能有錯)
所以用水沖洗會將其功效減弱！(大致理解是這樣)

通常放在白棉下做第一層過濾！

cys487980

keipip 發表於 2014-11-8 22:18
Thanks!!!!
試試先
但龜大 如果掛濾得唔得?

無話得與唔得，最重要是就自己就地方！
試過效果理想便可！

iris007

回復 cys487980 的帖子

甘生化棉係唔係放係活性炭後面, 再放生物環?

活性炭冲左好多次係唔係唔用得?唔該哂。

cys487980

iris007 發表於 2014-11-8 23:18
回復 cys487980 的帖子

甘生化棉係唔係放係活性炭後面, 再放生物環?

是！
無話唔用得的！祇是效果無咁好！

東方不敗

回復 iris007 的帖子

活性炭你點洗都會黑,d炭粉灰走出黎,用水沖下,頭一下一定好黑,沖一陣見d黑色少左, 就放落濾水器,唔好亂郁佢就唔會有黑色粉走出黎, 如果話用水沖洗過會失效,咁佢又如何可以在水中發揮作用,用水沖可能幾分鐘,但你放入濾水器內, 會係最數以日計的日子

andychiu6822

好文章

iris007

回復 cys487980 的帖子

滴漏箱放什麽濾材?

williamsshk

你好, 我係養龜龜新手   而家有2隻黃耳龜bb  1隻南部油彩bb
我聽買個魚缸加齊全套濾水設備+造流器等
36吋缸養3隻bb會唔會大得濟? 另外我見你都混養好多龜 佢地會唔會打交? 因為如果第日買大缸既話都想養多1,2隻
另外我聽人講龜缸唔好擺石  免得d大便積住清唔走, 咁係咪一定要清缸養呢?
麻煩你幫手解答下啦  多謝你