新手問:想養菌,加底材...

自來龜富

其實小弟都養咗家中斑龜半年有多,見養咗一段時間,對龜都有一定既認識,
想試下養菌同加底材,
因為小弟洗缸已經洗到腰痛......
而且我想個缸睇落去靚啲,

我依家養龜既狀況如下:
1)24吋龜缸
2)潛濾
3)暖管
4)暖燈
5)浮台

唔知師兄師姐有咩介紹....又點養菌會比較好
皆因小弟上網爬咗好多文,都唔係好明
1)如果我養緊龜同時再放硝化菌得唔得?
2)生物環 濾綿 活性碳 放既次序應該係點?
3)唔放氣泵靠潛濾泵出來既水打落去又得唔得?
4)養龜買邊個牌子既菌比較好?(安全至上)
5)底材用泥會唔會唔係幾啱龜用?/有無更好既底材?6)養菌換既水應該隔幾多晚最好?
7)有無啲咩要特別注意(加底材同養菌)?
8)落植物有冇好既建議比龜龜?

siumaiguy

硝化菌我個魚缸先有倒菌液落去，流動的水流過在生物環上就可以養菌，無乜研究唔亂答。
濾綿>活性碳>生物環，龜仔會浮水呼吸又有浮台，水中唔需要氣泵
養水龜唔用底材好，積左污糟野好麻煩
養菌重點係換水時唔好用無去氯的水喉水，用隔夜打氣水或者曬過幾日的水
隔夜打氣水打一晚就好，水曬過兩三日就好，唔係生物環養到的菌會被殺掉
植物唔好搞，會俾龜龜咬爛哂