如果選中你，你"敢"做嗎？

龜龜ying

大角咀碎屍案於上周二開審，案件在庭上連日披露首被告周凱亮及次被告謝臻麒的恐怖犯案情節，一幕幕血腥至極的畫面呈現在陪審團眼前。案件首日開審即爆出兩名死者頭顱被藏於雪櫃冰格，殘肢又被鹽醃、冷藏及微波爐翻叮處理，更構想棄屍三法，包括「製作叉燒飯扔走」、「殘肢溝英泥扮磚」及「拋殘肢落海」。

去年3月發生的大角咀碎屍案，首被告周凱亮聯同友人次被告謝臻麒，殺害及肢解死者周榮基及其妻子蕭月兒，首被告是兩名死者幼子。案件開審以來，爆出多個恐怖情節，單以親子肢解父母，已不禁令人驚慄。


庭上的聆訊披露，弒親碎屍及棄屍的工具眾多，包括拆骨刀、豬肉刀、牛排刀、鐵錘、鑿子、鋸子等，共買10把刀，另外亦有雪櫃、微波爐及漂白水等用具，共花費4萬元。案發於去年3月1日，周凱亮以收拾及參觀大角咀新居為由，哄騙父母到案發單位，父母踏入單位後，即被周及謝「一人一件」從後掩嘴割喉。


周形容謝用手掩周母的口部，再用50厘米長的生果刀打橫割她的頸部，母親一分鐘內已失去活動能力倒地。而周則掩父親的口部，用鋸扒刀刺入父親頸部，父親掙紮反抗，大叫救命，兩父子倒地。謝立即上前再協助，用刀「橫拖」割周凱亮父親頸部。案情又透露，兩名被告曾計劃以「不見血」方式殺害兩名死者，以針筒把二人血液抽走，但計劃最終無實行。

擬製叉燒飯棄置


殺害兩名死者後，周及謝曾構思把屍體煮好後，扮作叉燒飯棄置，其後發現達不到「叉燒效果」。謝又曾想將殘肢藏於由英泥及泥沙製成的磚狀物中，惟因磚頭很重，於是更改計劃。最後二人把部分殘肢以保鮮紙包裹殘肢，與沙混合放入膠袋及環保袋包好後，踏單車到浪澄灣棄置。


案發單位內，警方發現兩名死者頭顱分別存放在兩個雪櫃內，頭顱有多處傷痕，內臟器官則被切成細塊存放在塑膠飯盒，手手腳腳則用3個大膠袋封存。法醫指出，殘肢用鹽醃過，放進雪櫃及有部分用微波爐加熱，難以確認死因及死亡時間。
做陪審要聽案情＋睇相＋睇證物，唔睇返套人肉叉燒包打定底，真係崩潰，晚晚發惡夢！

Nicole1010

會！伸張正義，盡公民責任，讓死者沉冤得雪！

我愛爬蟲類

我對呢d無咩感覺，做唔做都無所謂

龜龜ying

回復 我愛爬蟲類 的帖子

我相信絕對超乎你想像，心理質素唔夠硬淨既正常人，真係頂唔順架。
你諗下死者個人頭擺喺雪櫃望住你，淨係諗都想嘔啦

Nicole1010

其實我純粹係想睇下段片

4仔

唔做都無所謂!!

沙田鄂仔

除非你預先上DOJ個網查下抽籤果日排咗咩案, 一般人係抽籤之前根本唔知會審咩案. 入到court room個官才大致講俾大家知. 如果真係抽中, 敢唔敢都無得, 除非你即時想到個好有說服力的理由申請豁免.
記得有次審藏械案(抑或强姦案? 唔記得), 被抽中的人好多提出豁免都失敗, 相反,因為被告一方可以要求換被抽中的陪審員, 結果大部分女的都被換走, 因為呢類案, 女陪審員通常直覺都會認為被告有罪, 咁對被告不利.

～峰～

我覺得就算投會最後當你真係做都會淆
我投唔會

龜龜ying

回復 沙田鄂仔 的帖子

今次一張醫生紙都可以比個陪審員退出啦。。
其實諗個藉口真係唔難，唔通心理負擔唔到，都堅持迫你做嗎？

龜龜ying

回復 燕赤霞 的帖子

己不勞心。。

龜龜ying

回復 4仔 的帖子

如果真係抽中，其實都幾慘。。
試諗一個正常人，要面對分屍，肢解，人頭放雪櫃，真係心血少ｄ都暈啦

龜龜ying

回復 ～峰～ 的帖子

嘿嘿，我都認同。。
面對肢解分屍血肉模糊既相，唔係拍戲睇果ｄ，而係真實活生生擺喺你面前，雖然口講話唔驚，但我諗親身接觸果時，又係另一回事。。。

我愛爬蟲類

龜龜ying 發表於 2014-8-14 17:28
回復 我愛爬蟲類 的帖子

我相信絕對超乎你想像，心理質素唔夠硬淨既正常人，真係頂唔順架。

嘔唔出                                                            

janede1314

只睇你文字描述已覺得嘔心殘忍，真替死者難過

Mike記

嘩！聽落真係好恐怖，我自問未必頂得順。查實單嘢個殺人動機係乜？個friend又為乜會合謀？

龜龜ying

回復 我愛爬蟲類 的帖子

龜龜ying

回復 janede1314 的帖子

殺普通人都落唔到手啦(正常人)，更何況係自己既父母
呢Ｄ人真係禽獸不如

龜龜ying

回復 Mike記 的帖子


https://hk.news.yahoo.com/周凱亮-父母給予壓力動殺機-075639414.html

michaelphone

不是做解剖的人，不會受得了那種刺激。