想問下,邊度可以投訴人打仔

東方不敗

逢星期六,日就開場 , 打到叫哂救命咁

鬼仔

報警....................

我愛爬蟲類

報警啦                        

東方不敗

我打過去一間防止虐待兒童的會,打完又係咁  ,打到條靚仔叫救命,猛叫唔好,心都寒埋

Tony_Chu

不過話時話, 棒下出孝兒, 否則分分鐘變成而家佔中呢班死廢青!!!

尐鴻

回復 東方不敗 的帖子

報警先有用-,-            

東方不敗

回復 Tony_Chu 的帖子

但條靚仔叫到心到寒埋

東方不敗

回復 尐鴻 的帖子

唔知邊個單位 ,好似樓下一,二層左右, 一陣就完場

龜痴

打仔無問題、我地上一代人、個個都係打大的、出到來都無乜嚴重問題
相反時下d青年.... 唉.....

尐鴻

回復 東方不敗 的帖子

你可以錄低..之後報警話經常聽到..佢就會查你樓上樓下既單位..睇下d小朋友...只要你肯做証人就可..不過ed事..好小人報警..因為如果告虐待兒童 有機會 會令佢地離開爸爸媽媽..去果d兒童之家果d

東方不敗

回復 尐鴻 的帖子

所以我諗左好耐,冇報警 ,打過去保護兒童會,但又係咁 ,而且而家好興有d過度活躍症,唔知係咪個細路過份反應,自己又冇親眼見過,一陣報警,原來係個細路發癲,反應過大,我可能比人話返轉頭

808204

我建議你落去了解下先啦，先卑D溫馨提示，無謂好心做壞事

Tony_Chu

龜痴 發表於 2014-10-20 22:32
打仔無問題、我地上一代人、個個都係打大的、出到來都無乜嚴重問題
相反時下d青年.... 唉..... ...

時下d青年, 話佢一句, 佢頂返你10句.  缺乏上一代果種教導.  更加唔好話孝順, 死一廢青, 正所謂, 棒下出孝兒, 棍下出傑青!

STAR_115

回復 東方不敗 的帖子

一係你去了解下先,或者搵管理處,再唔得試下搵區議員,佢地有責任幫手
如果情況嚴重真係要報警,講真,咁經常出現唔似教仔女,可能係虐兒
幫到就幫啦

地獄火

東方不敗 發表於 2014-10-20 21:59
逢星期六,日就開場 , 打到叫哂救命咁

有 d 細路未打已經叫定救命先，小心處理

尐鴻

回復 東方不敗 的帖子

如果你係想件事比人知..你5好驚比人話...因為如果真有其事..你無出聲..最後受害是個小朋友...但是報警..小朋友一樣是會受害..不過5同既方法

twbb

我個度咪又係咁,九成新移民,打~係佢地唯一識既管教方式,佢地唔會理個細路大個會係點,會唔會有陰影,會因此變好定暴戾,佢地淨係知呢一刻個仔唔聽我話,激親我,我就要打到佢聽話為止

爬蟲城

龜痴 發表於 2014-10-20 22:32
打仔無問題、我地上一代人、個個都係打大的、出到來都無乜嚴重問題
相反時下d青年.... 唉..... ...

龜痴, 可能係你幸福, 有家人一直呵護, 生活圈內接觸唔到社會上果批黑社會份子/吸毒者等, 所以就會以為冇問題.

其實如果你有機會接觸到依班人, 可能你未必咁諗.

就算唔係黑社會份子/吸毒者, 冇暴力傾向, 都已經同家人完全零接觸.

我有個40多歲朋友, 雖然佢有自己事業自己公司, 但同父母已經冇再CONTACT.  一直同人講父母都死晒.  (係我一次同佢睇8字, 話佢父母仲健在, 佢先話係, 未死.  因為佢同佢姑媽有CONTACT.)

仲有其他... 包括我之前的一個伙計.......不過不多說了.