成年巴西女打乞嚏

metalgearsorry

我隻巴西女幾日開始眼發炎買左支龜精靈同一支圖中藥水

呢幾曰滴完圖中藥水大部分時間乾養，但今晚諗住拎佢去(女女訓緊)洗乾淨再搽眼時

佢用右手捽眼時(右眼發炎)突然打乞嚏噴左少少鼻水出黎，跟住落到水又打左一次

但又冇打開口呼吸，拎佢出黎活動時又冇見佢打過，想請教係乜事

另外想知圖中藥水可否滴落水用，又可否和龜精靈一齊使用

westlifee

有温差出現了， 感冒， 加温養， 水加暖管再晒燈， 雙管齊下，滴黑藥， 滴鼻滴口都得， 這個只是個人經驗， 大吉利是 因我用呢個方法我d 龜好番， 無鼻塞同流鼻水 ( 大吉利是)  哈

kakaihk

如上述師兄所言極是，龜一般正常都係要咁治療。另外，從你所言，你隻龜大部分時間乾養無事，一接触到水就敏感？洗眼時就捽眼？其實已說明水可能有問題。同人洗頭時水流入眼受刺激一樣，用手捽眼是本能反應，加上打乞嚏，跟住落到水又打左一次，但離開水就無事。很明顯你隻龜對養水有敏感，你是用水喉水吧？之前又頻密過換水吧？可能你仍不知道香港水喉水是有問題的！
養魚的朋友都知道，香港水喉水如果即放即用，加上又頻密換水，魚很快就會充血 發炎 灼傷致死。水龜雖然唔會灼傷死，但有眼病也就很常見。特別早上，新界區水喉水即放ph值，讀數高達8.6，九龍市區8.2鹼性都很高，而且氯含量也很多，沉淀用的水缸邊或洗完玻璃，經常可以見到成片白色粉末沉積，特別現在新春流感期，香港每曰死幾件，感覺水喉水被加入化學物質特重，養魚的朋友都知道現在最忌是頻密換水，每次換水也要很小心，逐點逐點小小換。水喉水[長期]被加入化學物，水務署話水喉水安全，當然每個體累積時間和反應都不同。但據廣州醫學報告，由於長期飲用水喉水，近年接收多了：喉嚨痛 頭痛 多白髮 甩髮 關節神經痛 骨質疏松 視力衰退...等等不知病因的病人。港大2014年作的一個調查，元朗區五分四女童有夜咳，病因不明，估計是空气污染云云，連養魚的朋友都知水喉水會灼死魚啦，現在連人病了有問題，也不知因何事。作結論一定要有證據，也要由專家去答。但你現在隻小龜呢？你去邊到問？？問邊個呢？？？問香港水務署？？？？所以，你最終都係要靠自己去找沒有結論的病因。
如果你不知怎樣去淨化水喉水，可請教養魚的朋友吧，三言兩語也教不了你。既然龜有好轉，就繼續照咁樣治療，避開接触水喉水，再大部分時間乾養，轉飲用天然礦泉水和洗眼，等龜龜好了以後，再學下點換淨化水啦！