拍賣後的感想

swh

最初攪拍賣，本來係想由買家自行決定價錢，完全出於自願，理應在買家…(想清楚)…認為值得才出價，當出價後其實已代表一個承諾，因每一口價都可能係最高價，但有些人拍到後先同我講……[我考慮完都係放棄]……反映有些人存在一種拍咗先算，反正拍咗唔要賣家亦奈佢唔何!

以下兩次就係拍咗又唔要嘅例子：

12-10-2015，野底黃緣一對
16-09-2015，日石雜草2隻

rickylee123

搞拍賣都係比人賺經驗姐

bobo8888

社會上許多人，在自己運氣欠佳時候，就抱怨自己的命不好。
沒有往內看自己所思所想所做是否合乎天道。
是否觸犯了因果!

娃娃

無野架，最後果個唔要咪賣比第尾二果個，再唔要咪尾三，莫非個個都唔要??

hkvb7

做人咁無誠信…！

蜘蛛俠

其實依家個論壇好多無聊的人，有好多pm留了電話講一句就冇影，講真，係有心買先留電話吧，問問题應該在post問，大氣氛係咁冇辨法。

raymondcheng

唔怪得我前幾天拍到那2隻日石雜草交收後,想起你之前好似拍過,明明好多人拍,怎好像放同樣的相再拍?心裏一直不明,但又不信你是這樣人,所以沒出聲.現在終於明白了
其實我覺得你拍賣攪得最好的一個,如你想再攪,我第一個支持!!!

權強

我幾年前係度搞過一次拍賣，又係有人拍完之後走左數，我再揾曬全個帖既人逐個問，都係無人應機。自此我就決定唔再搞。

raymondcheng

不會呀,所有人都沒信用?下次或講明在24/48/72小時內通知期,任何(或尾3個)有拍的都有責任接(如價高者沒要).
真有需要開個沒信用list,將那些沒信用的買/賣家都公告!!!

guttata

可聲明如放飛機會公開投標者資料...

neillam

拍完吳要真無品，攪到想要個個又買吳到，想賣個個又賣吳到。要開返個黑色單記錄低，以後吳俾佢地拍，弈都可以有d買賣誠信記錄俾其佢買賣家參考下。
拍賣最高價個人吳要，可以由第二高個個自動頂上，第二個個吳要由第三自動頂上，如此類推。所有吳要的人都black list。因為叫得價都係有意買，負擔到先會叫價，如果想攪攪陣玩玩下的請放過開拍人及有心買的人。
不喜者請不必理會。

Kenneth0917

權強 發表於 2015-10-14 03:37
我幾年前係度搞過一次拍賣，又係有人拍完之後走左數，我再揾曬全個帖既人逐個問，都係無人應機。自此我就決 ...

拍賣的確有d麻煩。

小玩吧

我支持拍賣。社會總會有此走數敗類,
大可公開其資料及禁止其参加拍賣 。

娃娃

最後果條友應該是念下念下發覺吹貴左，又驚死蝕底買貴左，咪唔要。
不過尾2，3，4都唔要就奇怪左d

娃娃

開個黑名單，永不受拍賣

娃娃

我有時都有拍賣你果d龜（好似拍過黃緣），你用我出的價賣比我，我一定會要，
我出的價比上一個高得多。
石金我一定唔要，所以應該唔會拍石金

alexturtle

近排網上見有賣家叫買家自己開價，
唔開價就唔好學人賣野。
拍賣都有底價、圍標、抬價等問題。

生口野議價買賣，驗貨交收先係正路。
有感而發，樓主見諒！

faifai114

開名吧:::::::::