新手報到,求指教

coffee566

本人28/3係灣仔街邊買左4隻龜仔返屋企養
即場買埋個到既大箱(不過其實都好似好細),同埋買左樽唔知咩牌子既龜糧($12),同埋2條木比龜仔爬下

以我所觀察同上網搵資料就應該4隻都係巴西紅耳龜,好細隻架姐(唔知係咪龜仔BB黎)
返到屋企就將佢地放係個箱到啦,賣龜既老闆娘就話1日餵食1-2次就足夠
但我呢幾日放D糧食落去,龜仔都好似冇乜反應同唔食,係D龜糧唔岩定其他原因?會唔會買D好既龜糧會好D?

另外,我平均一日同箱水換水2-3次,咁樣會唔會密左D?但唔換水有時隔12個鐘已經開始都幾混濁下
仲有,水溫最好係幾度係最好?

平時就要返工,屋企人就應該唔會幫手睇,我出門口前都會幫佢換水,然後放D龜糧落去,等到夜晚返黎先再幫佢換過水
咁做有冇咩問題?

最重要既一項就係,我見到有隻龜既身好似有一條條白色絲狀既野,我上網查過可能係白黴菌,而呢隻龜仔係唯一一隻平時我掂佢佢會全身縮返入龜殼既一隻
如果真係有呢個病,我可以點做?

求指教,THX

有緣龜友

水最好用隔夜水或過濾水，同用濾水器好D，唔係長期淨住D唔潔淨水好易有細菌，水温在26度至32度左右最好，如果用過濾器可以一星期換水都可以，龜糧緊係買D靚小小好啦……

metalgearsorry

新手即養4隻好似吃力d…………

龜去到新環境要時間適應，唔食野未係有病或隻糧唔啱食，觀察多幾日先啦

白霉菌成因可能係少曬太陽或水質引起，多點曬太陽吸收uvb或買支聚維酮碘浸下就得

龜縮埋係保護自己既正常舉動唔等如有病，同龜多d互動增加信任度到時初圓㩒扁都得啦

點摸都得