燈具setting建議

mikesham

各位師兄， 我係超級新手，我個陸龜缸尺寸係60x45x60(H)，養咗兩隻8cm長嘅豹龜仔， 一般會打開前面嘅玻璃門讓空氣流通。

最初的燈具setting是:
mega ray 100w mercury vapour UVA & UVB燈膽 + zoomed 150W nocturnal infrar)ed 加熱紅燈膽， 兩支燈裝在 zoomed mini combo deep dome 孖燈罩， 掛入缸裡面，燈底離地面38cm ，加熱紅燈連接控溫器 set at 30度。

Set完燈之後發覺成個缸溫度達40-42度甚至更高， 拿拿聲换咗mega ray 70W UVA & UVB 及 zoom 75W infrared 加熱紅燈， 溫度稍為下降，但都達34-35度。

於是將兩支燈從掛在缸内改為放在缸外網頂， 都係用返两盞70w &75w燈， 離地面58cm。但係個缸嘅光線變得好暗， 熱點溫度只有約28-29度， 冷點得返24-25度。

唯有將兩支燈換返原先嗰兩盞 100w UVA/UVB 及150加熱紅燈， 都係放喺網頂， 整個缸嘅光線充足， 溫度比較理想， 熱點約31度， 冷點29.5度。 但係冷熱點溫度非常接近， 基本上可以話冇冷點同熱點之分。

兩隻龜養咗兩個星期左右，食得， 屙都ok， 只是其中一隻啱啱買返嚟嘅時候有少少屙軟。而無論是上面哪一種 setting， 都成日喺山窿裏面瞓， 不過在最後嗰個setting下， 偶然都肯出下來。佢哋成日喺山窿瞓唔出嚟， 唔知係因為温度嘅原因還是未適應新環境？

想問下， 以我個缸嘅尺寸， 點樣嘅燈具setting係最理想， 還是因為個缸只有60x45x60(高)cm， 點搞都做唔到較明顯嘅冷熱點？ 轉鹵素燈+鎮流器冇幫助或有冇需要 ?

其實鹵素燈(+ 鎮流器) 同其他uva uvb 燈膽， 除咗價錢之外，有乜實際分別 ?

希望得到各位師兄賜教。