求養阿達高手指教

Hata

小弟想問吓阿達點養濕度同温度大約要幾多要不要排酸,如達箱未ready同紅腿住吓先得唔得呢?

奇門

養達?

ali

紅腿聽d ching 講有時幾惡下，如果被隻幾百蚊咬傷隻幾皮的，就唔抵了

lktq

阿達的代名詞：幾皮

例子：求養幾皮高手指教。

Tony_Chu

Hata 發表於 2012-1-19 11:11
小弟想問吓阿達點養濕度同温度大約要幾多要不要排酸,如達箱未ready同紅腿住吓先得唔得呢? ...

我唔係高手, 只係養左一隻亞達4個月, 呢度有7-8位龜友都有養達, 而且佢地有1~5隻, 你耐心等多陣啦, 佢地會答你的。

比我答小小先, 亞達係非洲~印度洋 海島龜, 不能夠如非洲龜一樣咁養法.  達B濕度最少要保持60%以上, 最高不能超過85%.  低過50~60%,亞達BB會成日飲水/流眼水, 高過85~90%會呼吸困難/爛甲/爆原蟲/肺炎.

飲水盤要大, 要常滿, 亞達會常用鼻去飲水、又常all 尿.  尿有少少押, 亞蒙尼亞 味, 由於尿多, 飲水多, 濕度偏高, 所以見唔倒尿酸, (尿酸係水溶性的,但要好高比例既水份才能溶解尿酸), 由於尿多, 而且身體結構上制造 尿酸:亞蒙尼亞 的比例低.  所以你就見不到尿酸, 也不用擔心排酸問題, 但記住BB達一定要濕度偏高, 提供好多水比佢飲!!!

可以同紅腿暫時同住, 因大家要求濕度差唔多, 但係你隻紅腿幾舊水, 而亞達依家要2皮幾, 驚紅腿傳染寄生蟲、原蟲、呼吸道菌等等..... 我係你就放2隻紅腿落面盤住住先喇.   而且...雖然達B好大隻,但好細膽&怕事, 我驚2隻紅腿會咬佢(我隻豹B曬太陽時發現都會去咬阿達!)、蝦佢、令達B不安,跟住可能會爆原蟲而死!!!!

各位阿達高手, 講錯勿插...

Hata

多謝師兄指教啲資料好有用咁我睇定啲先入阿達，佢真是好靚仔·

小豹

我都中意阿達，但我唔會買，冇地方俾佢行！唔好因為一時中意就養，大咗冇位俾佢反而害咗佢，除非屋企有大花園！等我搬村屋可能先會買

Hata

夏天我會放養阿達我屋企有前後露台應該無問题

WAHWAHWAH

除了要有地方外，仲要有車。否則好難帶亞達看醫生。

jeff1437

阿達皮幾野咁貴.....

Hata

皮幾嘢對學生就貴,對出來做了十年或幾年嘢又一啲都唔貴。