卍 終極買龜趣聞 卍 (有死屍)

乂阿偉乂

    是咁的,本人今天在龜友的交易區,見到師兄   XDturtle   <~話搵人換龜,話有刀旦, 我PM佢問佢幾$, 佢話有兩隻大果隻8CM 420蚊,細果隻3CM 220 蚊, 話即刻交收同藍田交收可以平, 好,到最後 個價係170蚊, 我見價$ 好合理就即刻出左去買,
    但我同佢講想睇相,佢話E MAIL 比我, 但多次死圖, 好,算啦~ 期間我電話問佢, 全唔全品? 佢答我 係 , 咁我約埋另一龜友 就馬上飛出藍田 , 到左之後等左幾分鐘,一個身型矮小,架著眼鏡,年約10~12歲(我朋友話佢似13,但真係唔似) 既小朋友 到左

   ,好啦,我叫佢拎出黎睇 , 佢拎左個 奇珍既盒出黎 , 個盒有大量紙巾包住隻龜 ,好辛苦咁拎到隻龜出黎睇...我一開始check指先, 發現左極大量斷指, 甚至成隻腳無左 , 我問 : 你又話全品? 佢答 : 下, 我點知。 好啦,我再睇 咦...隻龜完全唔動既...d手腳 同個頭伸哂出黎...我心諗 :唔係ma..隻龜死既?點會丫...? 我係咁輕力彈隻龜個頭...都完全唔動...天阿!!真係死左....我同 賣家講 : 喂, 你隻龜死嫁wo..你唔係阿?  佢答 : 下,我唔知,頭先好生猛游緊水...之後仲話 算啦~唔要我咪拎番走囉... 之後就閃左去,,,我真係o左

    ....XDturtle ...可能你係到笑緊,我竟然可以check 隻死龜有無斷指斷尾.... 係因為我第一刻真係諗唔到你會拎隻死龜出黎比我,,,你當我係肥文阿!? 最攪笑既係佢竟然可以同番我講話隻龜番到屋企復活了!!

    ...我都唔知講咩好....大家同佢交易小心d啦thx     ( 小朋友,我日日番工都係藍田的...可以既話自己聯絡比番我同個fd既來回車$ 我... 無謂要我自己搵你攞番d $, 唔該...我真係見你小朋友我先唔當埸話你~我點解要同你老豆老母教仔姐? 係咪?)

kkk

哈哈
甘搞笑

乂阿偉乂

今次絕無半點虛言...

kkk

icic

乂阿偉乂

回復 kkk 的帖子

佢真係拎條屍出黎想厄人, 用紙巾包住博人唔睇,,,大佬,林紅油落隻平背當變異我都聽過, 但真係冇聽過拎條屍出黎賣比人...唉 哂左好多時間

~阿民~

大家小心

乂阿偉乂

回復 ~阿民~ 的帖子

大佬民/ ~\小曼都見到佢隻龜係死的

小花

成隻腳無左= ="

hoey_bbbider

oh no!

乂阿偉乂

/口\"...竟然要我開D咁認真既POST,,,

samsam=]

唔係呀化

乂阿偉乂

回復 samsam=] 的帖子

就係呀化

鱷君

乂阿偉乂 發表於 2012-3-5 00:14
是咁的,本人今天在龜友的交易區,見到師兄   XDturtle

原全讚同，呢正一白痴仔！！！我都被他整過！！！

乂阿偉乂

回復 鱷君 的帖子

你單野又係點的@@?!

~阿民~

難得唔係膠POST  
多謝功得無量的樓主
令廣大龜友  減少中伏機會

乂阿偉乂

XDturtle  ...你睇到就講下野啦/~\" 係我JA...下次同第二個龜友交易你又係咁,人地真係嘈你嫁/. \"

jimmybyc

好在冇搵佢
對方係咩人?90後???

蛇頸之友

爆趣    用龜屍換活龜。。

乂阿偉乂

回復 jimmybyc 的帖子

10~13 歲小朋友黎/. \"...4眼仔.個頭好亂好似未訓醒咁的...

yuk郁

難得一個正義既post~~底加分啦
拎死龜去交收…好有膽囉