新手一問thx

pongwwp

我見到旺角到果間奇珍屋有珍珠草龜買廿蚊到在水中游養住,我又去過其他的店又係叫珍珠約但又無水養住有都好小,其實係點養的?有咁大分別?

小花

游水養無台比佢?

pongwwp

有台!我想知養得咁唔同,係未兩個種?

回到過去

爬下文先啦~~
奇珍屋d龜好野黎架~~~差唔多隻隻都好健康

yukashing

pongwwp 發表於 2012-3-26 18:32
我見到旺角到果間奇珍屋有珍珠草龜買廿蚊到在水中游養住,我又去過其他的店又係叫珍珠約但又無水養住有都好 ...

游住養的肯定會好過無游

你翻屋企都系用褒過的水養一排，怕有皮膚病

wel524

回復 pongwwp 的帖子

我屋企果d bb龜基本上初時用以下方法養, 以下係我少少經驗:

1 . 龜糧方面:
(a) 選購: 建議買大牌子, 一聞你就會知有咩分別, 真係差好遠, 要買小號(1粒好似1粒芝麻咁細果款), d bb先食到, 太大佢地會食唔到同飽死 eg. 我以前係用zoo med最細樽果款
(b) 個人餵糧分享方法:
用一條好大條既蝦乾(龜專食果d, 絕對不是人吃果d)引佢注意, 响佢面前擾擾讓讓(動作要細,慢, 不要嚇怕牠)
佢show你既話, 剪到好似一粒芝麻咁細先俾佢食, 蝦乾唔可以餵太多, 純粹吸引佢開口, 你之后再放幾粒糧俾佢, 通常都會食
佢仲唔show你, 好大可能佢好細膽未適應, 咁直接放糧落去, 要數住放左幾多粒, 隔一陣轉頭先睇佢有無食, 通常會發覺少左

2.水質方面:
(a)過往我用飲用樽裝蒸餾水養bb, 直至過左bb既適應期, 即係食野無問題, 皮膚無問題, 開始慢慢大隻左, 通常係兩星期至一個月
(b) 見佢痾左, 即刻撈起屎, 同時不可嚇到龜

3. 住所佈置:
(a) 製造一個有得俾佢lee埋既地方, 讓佢覺得有安全感, 同埋陸地, 讓佢唔好成日浸水, 可以好好休息,  
如想見佢, 就叫下佢, 同用食物既香味引誘佢, 佢唔睬就又得佢
(b) 水深不可過背, 放水俾佢, 純為俾佢浸下手腳, 痾尿, 草龜細隻果時不擅長游水, 好易浸病浸死, 長大后罝放多d水俾佢游
(c) bb時, 佈置簡約就夠, 一個有頂俾佢lee埋既地方, 最好果個地方搵野墊高佢, 唔好俾佢成日掂水, 咁就夠

溫韾提示: 天氣不穩定, 轉季季節不適合買龜, 轉季時人都易病, 更何況是龜

wel524

回復 pongwwp 的帖子

奇珍屋近排我去睇過, 一入去右手邊個大缸果d, 果d係細隻bb, 我見佢放深水養, 再加個缸邊浮台, 我勸你最好返屋企唔好好似佢咁養, 因為我個人覺得草龜bb不太擅長游水, 安全起見, 為免浸親浸死浸病, 最好都係簡約養法, 即大多陸地, 少量水, 水深不過背, 活動空間不需太大
第一起碼浸唔死,
第二少浸水少d機會皮膚病,
第三換水超方便,用水又少d
等草龜bb大隻之后, 你先學佢咁養, 到時你先換個大缸佈置,
另外你見某些商販用'豆'仔咁養, 係因為佢地懶, 咁多隻放一齊, 高效低成本做法, 不過因為太多隻放一齊, 水質極差, 引致好多病龜, 你睇下d龜唔郁呆呆地, 雙目無神就知, 同埋有d仲反肚唔郁兼皮膚已有白點, 極不建議去該類店舖購買, 某些論壇有師兄將自家繁殖草龜進行愛心領養, 如果有心養, 何不試試這些, 質素一定好過初養者自己去買

p.s: 極力建議先爬文先好養龜,你既然知道又叫草龜又叫珍珠, 你只要有心查應該會搵到好多資料, 就會知道點解,
個人覺得草龜好易起白點, 都聽過好多人反映有尼d問題, 要好好考慮願意照顧佢一世先好養, 特別係有病果時你是否願意花幾百元去看獸e, 不論牠買回來是幾塊錢還是幾萬元, 生命都是很可貴的

pongwwp

多謝大家師兄意見,萬分感謝