香港人

小妹

我係做飲食既.係岩岩個星期日,做TEA BUFFET既時候.我企檔切煙三文魚.
正常一人俾2塊.
有一個中年男人排隊.
男:可唔可以俾多2塊?
<當時已經差唔多魚尾>
我:唔好意思.要再排隊!
男:我叫你俾多2塊呀!
我:唔好意思.要再排隊!
男:你呢D咩服務態度呀?我叫你俾多2塊呀!唉!我真係唔想幫襯你呀!
最後,為左我既飯碗,俾多2塊佢.
唔俾由至可,一俾個個都話要多份.

到底香港人D公民教育去左邊?
讀咁多年書到底讀左D咩野??
好簡單排個隊.人又唔係好多.點解都要夾硬黎??

PS.因為之前同過一個更可惡既女人嘈過,個女人即同經理投訴.俾人警告,訓左半個鐘><
    我發現企得BUFFET多人都會癲!!

wel524

回復 小妹 的帖子

只可俾兩塊個規定係邊個提出先? 如果係個經理話, 咁就係個經理問題
如果公司有規定, 咁你可以理直氣壯同個客講, 唔好意思, 公司規定每人每次拎兩塊, 為左客人公平, 唔好意思呀, 咁你博命以言語去說服佢, 佢應該會聽既, 如果唔係, 佢走去投訴, 佢响個客面前鬧你, 可以接受, 公司始終要下台階, 無計, 受得起份糧就要受埋氣, 尼D野無得肴

wel524

回復 小妹 的帖子

反而D客仔好正常, 話明BUFFET, 限時食, 無理由要下下再排隊

小妹

甘你話你個枱有十個人…我係咪要俾十份丫？？甘對後面啲人又公唔公平先？四五個人甘叫…其他人唔使食啦！你食自助餐都會有啲野限量供應啦！我問你…如果你甘岩排係個個人後面本來你有得食…而甘岩我又俾哂佢…你會有咩感想呢？？

wel524

回復 小妹 的帖子

你咪直接同佢講限量供應, 唔好意思, 要公平咁派, 你講N句咁, 佢阻住后面果個拎, 咁后面既人就會俾壓力佢, 到時唔使你再多講

wel524

回復 小妹 的帖子

不過都好同情你既立場, 無啦啦被警告受氣, 的確係好氣憤, 但係諗番果D人無教養, 自己都要有教養, 你幫公司行一步, 公司又唔站响你立場, 做得唔開心就劈炮, 唔好同佢地計較

殺你

wel524 發表於 2012-4-10 02:17
回復 小妹 的帖子

你咪直接同佢講限量供應, 唔好意思, 要公平咁派, 你講N句咁, 佢阻住后面果個拎, 咁后面 ...

處理手法呢到唔重要,最重要係果位客人既行為

wel524

回復 殺你 的帖子

咁個客又真係唔講理, 不過尼個社會就係咁'客人永遠是對的' , 所以無計GA, 人在江湖, 身不由己, 尼個情況成日出現, 好平常, 只可以話係現實生活既寫照

乂阿偉乂

呢個身世係有正常同不正常人之分/. \"...個個正常既話. 呢個世界冇無左個平衡嫁啦@v@~

小妹

如果要寫呢啲怪人話題…可以寫幾十篇

yip

小妹...現實係冇公平...早d訓聽日再搏殺過仲好啦..記住d唔開心野好難訓得著架

lcc215

雖然有時我心都會咁諗..但系人地都講到明..邊會仲好意思叫俾1次俾多d=.=..

freemankapo

每個自助餐有個別規矩...好似每個遊戲/地方/國家等等都係唔周o既規定...
如果你公司真係指明一人一次只可以拎兩舊...
咁你作為員工...跟足指令去做係應該...(如無阿頭作出特別指示)
如果我係你...我係企硬...2舊就2舊...
d攪屎棍...得閒投訴人o既話就慳番d時間...慳番d口水去排多兩轉仲好啦...

金磚大龜

只可以話咩人都有，撞正呢d情況..
通常都會無視

lok0114

唔明有咩必要用[香港人]黎講, 唔通呢一個男人就已經可以代表全香港700萬人?

ashbone

'客人永遠是對的' , 這句好有問題

flower07223

煙三文魚咁cheap都要排隊, 仲要一人得兩塊,
呢dBUFFET真係窮能至會幫趁,
小妹你原諒佢地啦

www

[香港人]黎講好正常,