越來越懶的母親

礦泉水

　　　唔知由幾時開始我媽媽就好少開始煮飯，有一段時間日日都係外賣或者同朋友出街食，上課既日子就係學校食。
今年升中五既暑假媽媽差唔多日日都無煮過飯，每日都係外賣，最多都係媽媽買飯番黎屋企。

　　終於暑假果陣有一日煮飯，食完飯之後我就去左人地屋企，之後十一點左右番到黎見到媽媽訓著左，然後我叫醒媽媽問：「仲未洗碗既？」然後媽媽答話等陣洗，然後我洗完白白之後就訓覺，到左聽朝碗筷依然未洗廚房仲開始有少少臭味。本來我諗住幫手洗但因為約左人去長洲唔可以遲，然後玩完兩日一夜之後我番到屋企，碗筷竟然無郁過，我再問媽媽：「Ｄ碗前幾日架？」
媽媽就答係，最後我就親手去洗。

　　九月三號開學到而家媽媽依然無煮飯，剛才媽媽又打電話黎話佢係街出面同朋友食糖水唔得閒煮飯叫我叫外賣買埋爸爸果份。

　　爸爸就返工，媽媽就係全職家庭主婦。有好幾次爸爸番到黎媽媽都唔煮飯而吵大架。

　　我記得細細個果陣媽媽都日日煮飯，我慢慢成長既時候，媽媽亦都越來越懶。本來今日媽媽話今晚煮飯點知直到剛才收到個電話，令到我好唔開心，所以打左咁長既篇章，舒發下自己情緒。

tonycha

因為你有個港女媽媽!!!  我媽媽也不願煮飯, 天天叫外賣!!!!   搞到我自己煮野食越來越好味.

小靜天

一定有咩原因,,可能發脾氣

taylortin

回復 tonycha 的帖子

CHING 唔好有咩唔岩都講叫左人"港女"先 我相信唔做家務既家庭主婦唔係香港獨有

礦泉水

tonycha 發表於 2012-9-8 18:16
因為你有個港女媽媽!!!  我媽媽也不願煮飯, 天天叫外賣!!!!   搞到我自己煮野食越來越好味. ...

原來都有人同我遭遇一樣

礦泉水

小靜天 發表於 2012-9-8 18:16
一定有咩原因,,可能發脾氣

暫時未搵到原因，但唔似發脾氣

tonycha

礦泉水 發表於 2012-9-8 18:30
原來都有人同我遭遇一樣

學我, 自己學下煮啦.  

小靜天

礦泉水 發表於 2012-9-8 18:31
暫時未搵到原因，但唔似發脾氣

你而家幾大先,,之前煮旦而家唔煮,,可能係厭倦了做媽媽既角色,,做我好辛苦,,又無人關心

礦泉水

小靜天 發表於 2012-9-8 18:34
你而家幾大先,,之前煮旦而家唔煮,,可能係厭倦了做媽媽既角色,,做我好辛苦,,又無人關心
...

十六歲，我有時都覺得媽媽可能因為辛苦，所以每兩日我就打掃一下屋企。

礦泉水

tonycha 發表於 2012-9-8 18:33
學我, 自己學下煮啦.

我而家努力鑽研廚藝。

小靜天

礦泉水 發表於 2012-9-8 18:40
十六歲，我有時都覺得媽媽可能因為辛苦，所以每兩日我就打掃一下屋企。 ...

如果係女仔又唔煮就又唔理好似有D過分,,
佢係咪成日賭錢??

紅花

題外話,你icon咩名?

elaineleung

可能這令你好5開心,但你試想想,在你成長階段你媽媽巳利用所有時間來照顧你—點自由時間刀冇,就算病左辛苦刀冇得真正休息，多d從另一角度去諗,我想你會開心d，綷純個人意見!

samwong4949

會唔會撞咗邪！

seira2242527

家家有本難練的經   

龜媽

你"細細個果陣媽媽都日日煮飯",你媽媽也算是盡責的好媽媽了,或者是長年累月做倦了吧！你大個女了,學學自己煮.你爸爸食你煮的餸,一定會好開心的.

龜友

自己煮囉...
學會烹飪,大左都唔會餓死自己
學d自己喜歡ge菜式先啦,鍾意西餐ge就學下三文治同意粉
跟住學整白汁,燒汁先類,再學燜煮類,平日三餐相信完全搞掂

komainter

你不如同你媽媽傾下啦，問下做咩事唔煮飯？了解下佢，d媽媽有時候都會收收埋埋

路人甲

龜媽 發表於 2012-9-8 20:05
你"細細個果陣媽媽都日日煮飯",你媽媽也算是盡責的好媽媽了,或者是長年累月做倦了吧！你大個女了,學學自己 ...

認同!!我有一年在我爸生日那天煮了一碟他愛吃的東西
他真的好高興吃光光,還不肯給我媽吃。
媽媽其實每天煮飯真的好累,又要想煮甚麼好,又要想家人的口味 喜好!!
妳的媽媽可能不是懶惰了 而是累了呢!!
又或者是有些妳不知道的事情在煩呢!!
總之別不開心了

礦泉水

小靜天 發表於 2012-9-8 18:43
如果係女仔又唔煮就又唔理好似有D過分,,
佢係咪成日賭錢??

佢唔賭錢