八角拒食點算?

Creamcreambb

有兩個星期了, 拒食前柯過兩次爛便, 其他都正常, 會不會腸胃病?
我可以點幫佢?

山貓

Creamcreambb 發表於 2012-9-17 13:14
有兩個星期了, 拒食前柯過兩次爛便, 其他都正常, 會不會腸胃病?
我可以點幫佢? ...

請問師兄有冇留意隻龜有怪異行為,例如咬自己,或者撞自己個頭?

Creamcreambb

johnng9879 發表於 2012-9-17 13:45
佢有冇精神?手腳有冇力
初步建議浸住REPTOBOOST等佢補充體力先 之後再想辦法 ...

暫時仲有精神, 手腳都有力, 明顥瘦左

Creamcreambb

山貓 發表於 2012-9-17 15:18
請問師兄有冇留意隻龜有怪異行為,例如咬自己,或者撞自己個頭?

冇呀同平時一樣, 不過佢多左自己浸水

山貓

Creamcreambb 發表於 2012-9-17 15:22
冇呀同平時一樣, 不過佢多左自己浸水

絕大部份既龜拒食都係因為環境配置唔合適,精神緊張導致.當然腸胃炎都係一個原因你話佢柯爛便,應該係緊張所致.經常去水盆,都係問題.
師兄可以留意下溫度,濕度,環境有冇大改變.Johnng師兄提議浸Reptoaboost都係好提議,能夠補充養份,消除壓力.
最後,師兄不妨試下餵蚯蚓.

Creamcreambb

山貓 發表於 2012-9-17 15:34
絕大部份既龜拒食都係因為環境配置唔合適,精神緊張導致.當然腸胃炎都係一個原因你話佢柯爛便,應該係緊張 ...

緊張呀, 我養左個幾月了, 開始冇咁驚人, 本來兩隻一齊住, 拒食我格離左比佢靜養, 唔佑咁做啱唔啱

温度28-30度, 濕度80左右一直KEEP住, 環境冇變過................
試了蚯蚓同WAX WORM都係雍下冇反應

山貓

Creamcreambb 發表於 2012-9-17 16:21
緊張呀, 我養左個幾月了, 開始冇咁驚人, 本來兩隻一齊住, 拒食我格離左比佢靜養, 唔佑咁做啱唔啱

温度28 ...

咁你認為隻龜點解柯爛屎呢?

Creamcreambb

山貓 發表於 2012-9-17 17:48
咁你認為隻龜點解柯爛屎呢?

我都唔知點解呀，所以唔知點做好

山貓

Creamcreambb 發表於 2012-9-17 18:12
我都唔知點解呀，所以唔知點做好

師兄,你話隻八角已經養定,溫度濕度都ok,環境又無大變咁真係好難估到係咩野原因喎.
可能係食濟左,可能天氣涼左少少唔適應.仲有可能係唔夠鈣質,唔夠鈣係日積月累既,可能唔夠陽光,或者龜糧唔夠營養.你養左幾個月,以為養定,點知問題先至出現.總之,如果你乜都做到100分,隻龜唔食野,又有邊個解釋到呢?
我建議你都係浸ReptoBoost,試下餵唔同既食物,同埋留意溫度濕度.

Creamcreambb

山貓 發表於 2012-9-17 18:39
師兄,你話隻八角已經養定,溫度濕度都ok,環境又無大變咁真係好難估到係咩野原因喎.
可能係食濟左,可能天氣 ...

ok我試下，唔該師兄先，我會多d留意自已有冇地方做錯。
如果真係緊張，係咪比佢靜養會慢慢好過來架?我好驚佢餓死

山貓

Creamcreambb 發表於 2012-9-17 20:32
ok我試下，唔該師兄先，我會多d留意自已有冇地方做錯。
如果真係緊張，係咪比佢靜養會慢慢好過來架?我好 ...

如果係我,我會每日同佢浸暖水,隔日浸Reptoboost.
日頭俾佢曬太陽(加山洞),其實時間唔好攪佢.
之後就睇天意.
如果真係好擔心,你仲可以睇獸醫,或者搵呢度d師兄幫你醫(應該要收錢).
祝你隻八角早日康復.

山貓

漏左講, 如果隻龜食完又吐返出黎, 好似吞唔落咁就大獲.
否則都未係咁驚.