一個電話﹐救救流浪貓(更新~)

汀汀

漁護署被指「綁架」流浪貓！近期多宗流浪貓受虐個案，引起大眾廣泛關注。不過，本港逾五百名貓義工日前卻收到噩耗，指透過「貓隻領域護理計劃」（CCCP）絕育的貓隻，一旦落入漁護署手中，署方需收取十一元「贖金」才肯放行小貓，否則牠們將於四日後遭人道毀滅。前線義工直斥署方不負責任，新政無疑「唔出錢，唔出力，仲要踩多幾腳」。有關注團體更成立網上群組抗議署方「亂咁嚟」，不足一日已有逾二千人加入，其中包括各界名人，齊向漁護署怒吼！

流浪貓餓死、病死，於本港並不罕見，為免小貓將痛苦延續到下一代，香港愛護動物協會（愛協）於○○年展開CCCP，為流浪貓絕育，目前參與計劃的義工逾五百五十名，至今已為四萬三千多貓隻絕育，而CCCP貓隻，在接受手術後，均會被植入晶片及剪去耳角做記號，再放回原地繼續生活。
不接回四天後人道毀滅不過，近日貓義工相繼接到消息，指如果CCCP貓隻被漁護署捉走，愛協或義工需繳付十一元，才能在署方接回貓兒，否則四天後小貓將被人道毀滅。得知新措施後，黃大仙區的貓義工翁小姐大受打擊。翁坦言目前為幫助流浪貓，她付出的時間、工具費及交通費均不計其數，「唔係錢嘅問題。」翁指，新措施反映漁護署用心奇怪，「根本刁難緊啲義工。」有前線義工更直指新措施有如綁架小貓，「要我哋交贖金！」

在「贖金」政策實行前，當署方捕獲CCCP貓隻，會先扣留牠在管理中心，確認身份後免費送往愛協，最後再由愛協通知義工「認貓」。「呢個過程至少有五程車，既然已經打咗晶片，捉到知佢係CCCP嘅貓，點解唔原地放佢走？」天水圍貓義工詹小姐指新措施不能改善問題，反而是向義工「開刀」，署方無心幫助流浪動物，「唔出錢，唔出力，仲要踩多幾腳」，漁護署根本不負責任。

有見問題嚴重，香港群貓會於前日傍晚設立名為「反對贖CCCP貓要收費」的群組，不足一日已有超過二千二百人加入，當中除前線義工外，更不乏動物界、政界以及演藝界人士。

該會幹事陳靈怡強調，面對漁護署的步步進逼，反對者應齊聲說不。她表示，目前正計劃進一步行動，「一人一信，事在必行！」愛協亦於昨日發表簡短聲明，指相關收費並無必要，正與漁護署商討相關安排，並且有信心能夠尋求合適的解決辦法。

愛協將與漁護署商討據了解，署方推行「贖金」政策，全因審計署於一○年時，建議漁護署採取一致做法，向所有領回動物人士徵收法定扣留費用。

漁護署發言人承認其事，並指根據《動物羈留所條例》收費，而健康或性情有問題、不適宜供人領養或未能安排領養的動物，才會被人道毀滅；而本年一至十月被人道毀滅的流浪貓有一千六百二十三隻。

不過，記者翻查相關報告，發現相關建議主要針對狗隻，報告中亦沒有提及CCCP。立法會議員陳克勤直指，新政策僵化，勢必加重義工負擔，「依家啲義工幫緊手解決（社區流浪貓）問題，咁樣做對佢哋根本唔公平！」陳透露，愛協與漁護署將於短期內開會討論上述問題，他亦已草擬信件向署長反映情況。


http://the-sun.on.cc/cnt/news/20121206/00410_097.html




捕捉，絕育，放回，貓隻領域計劃實行經年，剪耳cccp絕育貓，通常是再給漁護署捉到之後，愛護動物協會接回，交返給負責的義工，釋放回原居地，繼續生活。
現在漁護署黑箱作業，將捉到的剪耳貓，要愛護動物協會，要用十一元才可以領回剪耳貓，如果不接貓，應該也是四日後安樂死，漁護署黑箱作業，岡顧貓隻領域計劃貓貓生存權。
浪費貓隻領域計劃義工的愛心、心機及時間。
政府只是支付0.1的經費，給愛護動物協會，作為捕捉、絕育、放回的經費，其餘的全數由愛護動物協會，自行籌集經費。

愛護動物協會現正，跟漁護署跟漁護署周旋近。
全香港、九龍、新界的cccp貓隻領域計劃800幾個義工，愛護動物朋友，今日流浪貓須要你！打電話去漁護置祕書置，投訴漁護署朝令夕改，要十一元才可以領回剪耳貓。要漁護署即時取消這樣的做法。
漁護署祕書署電話-2150 6665張小姐
特首辨-有待更正

地獄火

呢個問題有排都解決 5 到

siumaiguy

交稅咪交左錢o羅
重要同你地收錢有無搞錯
真係打劫咩要錢定要命

敏carmanlui

已經 絕左育，仲要收人地錢

乞兒兜搶錢，正無良

汀汀

bobby310 發表於 2012-12-4 18:19
回復 汀汀 的帖子

究竟如何黑箱作業，

強烈健議BOBBY兄打去漁記問下~

乂阿偉乂

係咪就咁打去嘈就得啦?_?" THX~

大win神

暫時冇人聽.唔知系米休班
特首辦個度就話wrong number

汀汀

大win神 發表於 2012-12-4 20:17
暫時冇人聽.唔知系米休班
特首辦個度就話wrong number

真心多謝你

敏carmanlui

bobby310 發表於 2012-12-4 21:11
回復 汀汀 的帖子

不論閣下所做 嘅事背後意義或理念如何偉大

不用多講，自己去睇

https://www.facebook.com/groups/566191560064804/

汀汀

bobby310 發表於 2012-12-4 21:11
回復 汀汀 的帖子

不論閣下所做 嘅事背後意義或理念如何偉大

呀兄台﹐漁記收錢﹐點解要收﹐我點知?
總知就係收到消息話佢地要收‧
就叫兄台你打去問啦﹐你係度呀芝呀左﹐又係冇健設~

講開﹐電話方面我比人FAKE左﹐改改先~

siusun

諗諗下你都幾似一隻貓

kanny1314

汀汀 發表於 2012-12-4 21:44
呀兄台﹐漁記收錢﹐點解要收﹐我點知?
總知就係收到消息話佢地要收‧
就叫兄台你打去問啦﹐你係度呀芝呀 ...

就叫兄台你打去問啦﹐你係度呀芝呀左﹐又係冇健設~
本身睇到都唔想回  但係...紅字真係....到肉   條友得閒就出黎抽水=.="

弱水三千

回復 kanny1314 的帖子

我都留意左果條友好耐
條友好似好鍾意系D大是大非嘅野上面唱反調
又鍾意用埋D好似大條道理 事實系九唔搭八嘅野黎反駁人
真系唔知佢系想有心抽水定真心膠

汀汀

消息已証實....唉﹐明明剪耳都要捉...