[轉貼]返工爛身爛勢 升職恐無望

icaicayin

踏入夏季，不少辦公室女郎會背心熱褲上陣。不過，一項調查顯示，員工的衣着打扮原來會直接影響他們的晉升機會，八成八主管認為衣着打扮對員工晉升有影響，「一絲不苟的打扮未必會帶來晉升機會，但不修邊幅、爛身爛勢者，則肯定會令上司質疑工作是否認真，有機會失去重要的晉升或發展機會。」所以說人靠衣裝不無道理。專業招聘顧問公司Robert Half最新進行員工的衣着調查，成功訪問一百間包括了不同行業的公司人力資源部主管，結果顯示八成八受訪主管認為，僱員上班的衣着打扮會影響他們晉升機會，當中兩成半更認為有很大影響。六成六受訪主管認為員工上班時衣着異常不當的情況時有發生，認為經常發生的比例更有兩成一。
上班前檢查線頭摺痕
Robert Half香港區總裁安柏菲（Pallavi Anand）指出，上班時衣着專業十分重要，特別是在法律、銀行及金融等專業行業，認為僱主可與人力資源部門商討，向全體員工，而非針對衣着打扮未合公司要求的個別員工發出電郵溫馨提示，如果情況未有改善，則僱主應與相關員工面談，大部分情況下員工對該類溫馨提示會受落。
她指得體的打扮有助提升個人自信，建議上班一族「指定服裝」應以有領恤衫、短袖或長袖上衣、長褲及不露趾鞋為基本，低胸衫、背心、熱褲、拖鞋、爛牛仔褲宜「收埋」留待放假才穿着。上班前應檢查衣物有否凸出的線頭、摺痕、鬆脫的鈕釦，進餐後應檢查身上衣物有否食物碎屑及殘迹。新入職的員工在清楚公司「衣着標準」前，打扮宜較平日保守，以免過分招搖。
中原人力資源顧問公司董事總經理周綺萍表示，「員工行出街係代表公司，所以除非係從事設計或資訊科技，否則都係正規服裝上陣好啲。」她表示，明白夏天天氣炎熱，但「低胸吊帶不適合着返工」，自信「依家日日返工都要套裝，絕對唔會着背心」，「如果自己都着成咁，點管啲下屬！」

我日日都爛身爛勢.....

長毛

世事冇絕對架！我以前返工日日身光頸靚，一身名牌，老細就以為我唔等錢洗，升職加薪完全冇份，但家下日日爛身爛勢，老細就知我其實好唔掂，上個月終於升職加薪！

ho123123

物極必反

龜友

整齊,清潔,端莊就OK
唔係成身名牌先叫整潔,D人一樣可以著到乞衣咁

icaicayin

龜友 發表於 2013-5-31 20:20
整齊,清潔,端莊就OK
唔係成身名牌先叫整潔,D人一樣可以著到乞衣咁

唔係成身名牌先叫整潔,D人一樣可以著到乞衣咁--->我想見識下

龜友

回復 icaicayin 的帖子

唔難架,日日著件GIOGIO AMANI一個禮拜,污糟又唔抹唔洗
咁又臭又污糟,見到都唔開胃囉

鬼仔

唔通我撈地盤要西裝打鈦咩..............
民工呀..............

twbb

個d所謂高級寫字樓先係咁啫,其實只要打扮唔太過火嘅一般私營性寫字樓其實無咩所謂,主管們其實更著重員工工作能力,而家有能力肯工作心性好嘅員工好難搵架,又何必執著佢地嘅衣著,著得小又唔會咬親你嘅

bbMANHO

我老闆  著人字拖短褲 內衣 爛身爛世 坐佢架平治出街 佢行出街都估唔到佢係有車有樓 有倉