老老實實，你地有冇生過.....

ki0110

個水缸有冇出過白線蟲？我用富華206+511，24吋缸7cm水深，兩隻石金約7cm大，一星期唔洗濾桶就有（已經拎出黎餵同每日換兩L水），諗唔明點解咁昜生

wel524

回復 ki0110 的帖子

可能餵食量過多, 排泄多~

mblack

我有生過呀，好難搞，換極水都有
後來我終於搵到個方法治根，而家冇哂lu

wel524

wel524 發表於 2013-6-29 00:39
回復 ki0110 的帖子

可能餵食量過多, 排泄多~

都唔算好多,會唔會係餵完即放回缸??
我屋企D龜通常會係進食前后排便排尿, 我通常餵食后會放置半小時至一兩小時,
等佢地慢慢痾

ki0110

回復 mblack 的帖子

師兄你可唔可以將呢個袐密講我知，十萬個唔該

wel524

我試過要連個濾桶, 清哂成缸水先搞定, 有好方法???

mblack

wel524 發表於 2013-6-29 00:58
我試過要連個濾桶, 清哂成缸水先搞定, 有好方法???

我想確定一0下，白線蟲即是蛋白蟲嗎？因我只知我個缸生嗰d叫蛋白蟲，好似一條一條好糼嘅白線咁的，唔知佢係唔係又名白線蟲。如果是一樣的話，我以前用熱水，首先將缸裡面所有生物拿出來，其他缸裡面可以受熱的東西（如石頭，木頭）留下，但拿走暖管，濾水器（因這些東西加熱不知是否安全），然後將熱水加入你個缸裡面，慢慢加熱至65-70度咁上下，（請注意，如你是用玻璃缸的話，要小心加得太熱會爆缸，千奇唔好將一百度熱水倒入個吉嘅玻璃缸，會爆缸的，我做法係keep 住原先養龜d水，然後將熱水慢慢倒入裡面至70度，咁你就會見到d蟲死㗎喇，死時佢哋會由一條蟲卷埋變成一粒白色嘢咁，跟住要換一個新嘅濾水器，如果你用番舊嗰個，藏係濾水器裡面嘅蟲又會走番出嚟，咁就白費心機！

其實用鹽都得，將鹽倒入缸裡面，一定要好咸，然後等一陣睇佢哋死唔死，唔死再加鹽，一於咸死佢哋！呢個方法比較安全d，唔駛驚爆玻璃，但時間比較長，同埋之後洗番個缸要洗幾轉，比較麻煩！

wongfafa

如果放一條魚入去…
唔知會唔會有改善呢？

602151

請問各位Ching/C姐，白線蟲係點架，幾大度？有無相？

忍者龜工人

我都想知白線蟲係咩樣架?? 同埋會影響到龜龜嗎??

taylortin

我試過有日睇到有一條, 岩岩開始擔心果陣, 有條魚游過去一吸就食左落肚

大螺

.........白線蟲只要你減少餵食就會慢慢無，你餵得太多了，你用幾強濾水也沒用，因為你天天都餵太多，個濾水器最後都頂唔到的