重新出發,西檸登場!!10月9日早上更新情況#16樓

Miai

話說前幾日西柚B死左之後我都傷心好幾日,但好彩有件事我只石金綠茶終於開口食番野但都係食6-7粒,暫時滿意,唯有慢慢來啦
今日我自己出左去行魚街,無意發現奇珍屋有3只西錦賣好平(唔知係唔係清貨),我就落手買左1只,他就係西檸啦,一抓起最活躍係佢,另外有只無開眼,1只抓上手就坐係我掌心到
















不過西檸我頭先同朋友食飯留意到只腳好像有D事,回家便順道比中蜂睇下,原來有少少爛腳,回家我立即昸黃粉比佢浸


之後激死我,放落水立即上WC,再來係到食自己D屎,我就即刻比左1粒3色和1粒命脈,就係到狂追啦^^咁我都放心好多


希望他快高長大,健康!!

長毛

祝西檸健康成長！

龜龜ying

回復 Miai 的帖子

希望西檸龜龜ｋｅｅｐ住咁健康＋大食啦～！＊
一返黎已有５１克嗎～～過多排好快變１００克了
＊多口一問：師姐唔係啱啱送左粟米比人嗎？咁快又入隻新龜龜既＠＠"＊

waterboy

咁應該幾抵喎, 好想都出去睇下仲有無. 不過都係... 下年先, 過埋冬先

cys487980

靚靚師姐：我前天都見到奇X賣好平！
我上次就是到水XX處貪平買入西錦，回家後先發覺爛腳！
從未食過野，醫到現在肚都凹埋！
所以今次我好小心咁睇，全部都是有問題的！
我想可能是食左藥精神左，回家一兩天就打回原型！
從呢次教訓，與市價相差太遠都不會買！
希望師姐今次西檸無問題啦！

Miai

回復 龜龜ying 的帖子

係我去魚街前我先送左栗米再去魚街行下
呢個係第2只個魚缸來,本來無打算入,不過...奇珍個價錢太吸引了($80有找)我見3只就活躍係佢,在我見到西檸時候已經發現腳有D唔妥,唔想佢繼續咁慘便帶他回家,希望好好醫好+照顧好他啦>"<

Miai

回復 waterboy 的帖子

等過左冬先,我家仲有D膠盒等佢對腳好我會換番細盒比佢曬下燈,晚上先放番呢個魚缸

龜龜ying

回復 Miai 的帖子

哦哦～～只係有ｄ奇怪，所以好奇一問啫＊^^"
＄８０有找的確好吸引啵～～＊難怪你會心動的～～～＊
希望西檸喺你悉心照顧下，隻腳仔可以快ｄ好返～啦＊

Miai

回復 cys487980 的帖子

我都希望會無事^^

見到他一回家吃自己D屎,有吃食糧都放心D@@

waterboy

回復 Miai 的帖子

其實真係唔怕, 佢會吐番出來 / 無事的. 起碼知佢有食慾, 會開口, 飢不擇食

cys487980

前兩天去有成十隻有多！不過個價真係...................

佢鋪入面缸內的苗都要$150+啦！

Miai

回復 cys487980 的帖子

@@十只!!暈...8,9成係清位減價先咁平

我而家將西檸放左係陰暗D地方到見到係個大缸到4圍游,不過唔知係唔係D黃粉見效,係到有少少皮甩/飛出來,希望係好事啦
因為中蜂話個只黃粉係醫傷口(之前醫草女D膿包傷口)都可以醫皮膚病,頭先中蜂只係話少少,無話好嚴重,就叫我浸一星期睇下@@

Miai

回復 redcat 的帖子

@@師兄你日日行魚街?

Miai

今早起身唔知係唔係西檸B未睡醒,開左暖燈見佢係D黃粉藥水到睡到只豬唔想動,安全起見我剛10分鐘前開左ReptoBoost比佢浸,打算浸一小時,一放落去立即飲水,再幾分鐘之後醒晒,比粒龜糧都咬(未食晒)

所以我計劃係每日浸1小時ReptoBoost+其他時間黃粉

不過見到佢有D透明既皮飛飛下,唔知係唔係好事??有無師兄可幫解答呢???

kinjai

希望西LEMON 好快無事~~