新手求助!!!

vivianlo715

岩岩果個星期三晚, 媽咪陪我出旺角魚街買龜龜~
係奇珍屋買左兩隻珍珠龜BB~
兩隻都係得3-4CM大~
經過回家途中觀察所得, 幫佢兩個改左名~
一隻超級百厭、超大膽,
回家途中係個盒到玩到反哂肚都要反返轉繼續玩,
又可以比我摸佢個頭仔~所以叫佢百厭星~
另一隻就怕醜少少, 回家途中係個盒入面唔敢郁,
比百厭星踩住上...所以叫佢怕醜草~
不過而家都幾活潑~
但係比起百厭星就差得多LU~

買返來之後餓左佢地一日, 星期五放學返去先第一次開餐~
餵左Zoomed Hatching Formula~
第一次放左20粒糧~轉個頭就食哂~
於是又比多20粒~又好快食哂~
最後餵多10粒就算~唔敢比佢地食咁多~
SETTING如圖




尋日餵食果陣發現怕醜草係度用手'R'隻左眼,
之後就見到佢隻眼度癡住塊皮,
我嘗試用棉花棒幫佢整走佢~
雖然成功左, 但係都見佢眼皮好似白白地...




百厭星隻左手D皮就半透明、白白地~好似腫過另一隻...


而且佢D便便好似怪怪地...好似呵爛X咁...




到今日再餵就見怕醜草食食下又吐返D出黎,
D糧漂埋隻眼度就用手'R'...
眼皮都係好似白白地, 有少少腫起嘅感覺...

問題:
Q1: 怕醜草咩事? 嚴重嗎?


Q2: 百厭星D便便係咪唔正常?


Q3: 佢隻手嘅情況係腐皮嗎?


Q4: 佢兩個仲食得玩得訓得~我應該點做?要買咩藥醫?


Q5: 如果我搞唔掂, 係咪可以帶佢地去友緣龜屋求救?



麻煩哂你地嘅解答了~~~

mingmingb

師兄..睇定d先過多幾日佢手有d白色野就去睇下
喂野食1日1次 1次 10粒到 2隻就20粒
因為我都有2隻珍珠草苗 比得多佢食會飽死
2日換1次水 要清 咁佢就唔會點有事

bernard7711

D水好似太淺，可以深D

Johnson

唉，奇珍屋D龜系信得過,唯獨放系出面果D冇咁好
1.怕醜草應該系腐皮(草龜常見病患)
治療比較麻煩,一般藥物無法醫治,根據小弟經驗荃灣友緣龜屋同紅勘哈比族就有只專醫治腐皮的黃粉,用過的師兄都話好洗得,不過分量一定要小心控制
2.唔正常,正常便便應該成型的,應該系之前食物不足
3.冇錯,醫治方法在上面說明了
4.而家天氣應該冇必要加溫,但係保險可以買暖管
5.系,記住藥的使用量有少唔好多,因為醫到腐皮通常都系猛藥,唔好想佢地快D好用多藥

N1202118112

可能本身就有少少病,突然之間轉環境,咁咪爆哂出黎
真係醫唔掂的,就帶去俾中鋒睇下啦

kellyBB

要晒太陽，無就要加射燈

kellyBB

要買Zoomed 眼藥水滴+乾養

vivianlo715

Update下兩隻小龜嘅情況~

尋日朝怕醜草突然開始唔肯食野...
仲用口呼吸...
見到佢好辛苦...無咩精神...
奈何要返學...只能祈禱佢支持到我放學返來...

一放學即刻沖返去帶佢兩個去友緣...
中蜂兄唔係度...係中蜂嫂幫我睇龜龜...
證實左百厭星係腐皮...
怕醜草就幾嚴重...有腐皮+肺炎...
中蜂嫂開左一個7日嘅療程比我...
叫我返去開水比龜龜浸...
希望龜龜會過到呢關

kellyBB

祝龜体安康